പെരിന്തല്മണ്ണ: മതപാഠശാലകളിലൂടെ മാനുഷിക മൂല്യങ്ങള് ഉയര്ത്തി കൊണ്ടുവരാന് കഴിയുന്ന വിദ്യാഭ്യാസ രീതിയാണ് ഉണ്ടാവുന്നതെന്ന് പി അബ്ദുല് ഹമീദ് മാസ്റ്റര് എംഎല്എ. വിവിധ വിദ്യാഭ്യാസ പ്രവര്ത്തനങ്ങള്ക്ക് നേതൃത്വം നല്കുന്ന പട്ടിക്കാട് അല് ഫത്തഫ് ഇസ് ലാമിക്ക് അക്കാദമിയുടെ പുതിയ കെട്ടിടം നാടിനായി സമര്പ്പിക്കുന്ന ചടങ്ങില് സംസാരിക്കുകയായിരുന്നു അദ്ദേഹം. 17 ലക്ഷത്തിലധികം രൂപ ചിലവഴിച്ച് പട്ടിക്കാട് മഹല്ല് ജുമാ മസ്ജിദിന് സമീപം നിര്മ്മാണം പൂര്ത്തിയാക്കിയ കെട്ടിടമാണ് മഹല്ല് ഖാളി സിദ്ദീഖ് ഫൈസിയുടെ പ്രാര്ഥനയോടെ നാടിനായി സമര്പ്പിച്ചത്.
എം അബ്ദുല് ഗഫൂര് റിപ്പോര്ട്ട് അവതരിപ്പിച്ചു. നഹാസ് എം നിസ്താര്, അബ്ദുല്ല, മഹല്ല് സെക്രട്ടറി ബഷീര് മാസ്റ്റര്, മഹല്ല് പ്രസിണ്ടന്റ് എ ടി മുഹമ്മദാലി, കെ ടി മൊയ്തുട്ടി മാന് ഹാജി, പട്ടിക്കാട് റൈഞ്ച് സെക്രട്ടറി കബീര് ഫൈസി, മൊയ്തീന് ഫൈസി, എടിഎം ഫൈസി, അബ്ദുസലാം ഫൈസി, പി അബ്ദുദുല് അസീസ്, ഹംസ മുസ്ല്യാര് എന്നിവര് സംസാരിച്ചു. സി റയാന് ഖിറാഅത്ത് നടത്തി. മദറസാപഠനത്തോടൊപ്പം വ്യക്തിത്വ വികസനം, വിവിധ വിദ്യാഭ്യാസ, ബോധവത്ക്കരണ പരിപാടികള്, കുട്ടികള്ക്കും മുതിര്ന്നവര്ക്കും പരിശീലന ക്ലാസുകള് എന്നിവ ഇസ്ലാമിക്ക് അക്കാദമിക്ക് കീഴില് നടക്കുമെന്ന് ഭാരവാഹികള് പറഞ്ഞു. കെ ടി അസീസ്, എം അബ്ദുസമദ്, പി മാനു, കെ പി മുഹമ്മദ്, കെ ടി ഫഹദ്, വി അബ്ദുല് നാസര്, സി അഷ്റഫ്, കെ ടി സക്കീര് ഹുസൈന്, കെ പി നിസാര്, എ ടി അഷ്റഫ് ,സി എച്ച്, അസീസ് എന്നിവര് നേതൃത്വം നല്കി.