അർനബിന്റെ അറസ്റ്റ്: ജനാധിപത്യത്തെ ശ്വാസംമുട്ടിച്ചുകൊന്നവർ അടിയന്തരാവസ്ഥയെന്ന് പറഞ്ഞ് നിലവിളിക്കുന്നത് അതിശയകരമെന്ന് പ്രശാന്ത് ഭൂഷൺ
ന്യൂഡൽഹി: അറസ്റ്റിലായ റിപബ്ലിക് ടിവി എഡിറ്റര് അര്നബ് ഗോസ്വാമിയുടെ അറസ്റ്റ് അടിയന്തരാവസ്ഥയെ ഓര്മിപ്പിക്കുന്നുവെന്ന് പ്രതികരിച്ച മന്ത്രിമാരെ രൂക്ഷമായി വിമർശിച്ച് അഭിഭാഷകൻ പ്രശാന്ത് ഭൂഷണ്.
ജനാധിപത്യത്തെ ശ്വാസംമുട്ടിച്ചുകൊന്ന സര്ക്കാരിന്റെ ഭാഗമായ മന്ത്രിമാര് അടിയന്തരാവസ്ഥയെന്ന് പറഞ്ഞ് നിലവിളിക്കുന്നത് അതിശയം തന്നെയാണെന്ന് അദ്ദേഹം പറഞ്ഞു. ബിഹാറില് തെരഞ്ഞെടുപ്പ് നടക്കവേ അവർ ശരിക്കും കുഴപ്പത്തിലാണെന്ന് ഇത് വ്യക്തമാക്കുന്നു. പ്രശാന്ത് ഭൂഷൺ ട്വീറ്റ് ചെയ്തു.
Amazing that Union Ministers of a govt which has throttled democracy are shrieking emergency! Shows that they are really rattled by the Bihar polls
— Prashant Bhushan (@pbhushan1) November 4, 2020
'എന്തുകൊണ്ട് എന്റെ ഇരകള് എന്നെ സഹായിക്കുന്നില്ല' എന്ന തലക്കട്ടോടെയുള്ള കാര്ട്ടൂണും പ്രശാന്ത് ഭൂഷണ് ട്വീറ്റ് ചെയ്തു. അറസ്റ്റിലായ അര്ണബ് ഗോസ്വാമി താന് പിന്തുടര്ന്ന് വേട്ടയാടിയവരോട് എന്തുകൊണ്ട് തന്നെ സഹായിക്കുന്നില്ല എന്ന് കൈകൂപ്പി ചോദിക്കുന്നതായാണ് കാര്ട്ടൂണ്.
കേന്ദ്രആഭ്യന്തര മന്ത്രി അമിത് ഷാ ഉള്പ്പെടെയുള്ള മന്ത്രിമാര് ഇന്നലെ അര്നബിന്റെ അറസ്റ്റിനെ അപലപിക്കുകയുണ്ടായി. അർണബിന്റെ അറസ്റ്റ് അടിയന്തരാവസ്ഥയെ ഓർമ്മപ്പെടുത്തുന്നു എന്ന് അമിത് ഷായും പ്രകാശ് ജാവ്ദേകറും പ്രതികരിച്ചു.ഇന്റീരിയർ ഡിസൈനർ അൻവായ് നായ്കും അമ്മയും ആത്മഹത്യ ചെയ്ത കേസിലാണ് അര്ണബിനെ മഹാരാഷ്ട്ര പൊലീസ് അറസ്റ്റ് ചെയ്തത്. ആത്മഹത്യാ പ്രേരണക്കുറ്റം ചുമത്തിയാണ് അറസ്റ്റ്. അർണബ് ഗോസ്വാമിയെ 14 ദിവസത്തേക്ക് ജുഡീഷ്യൽ കസ്റ്റഡിയിൽ വിട്ടു.