പോലിസ് കസ്റ്റഡിയിലെടുത്ത യുവാവ് ദുരൂഹ സാഹചര്യത്തില് മരിച്ച നിലയില്;അന്വേഷണം ആവശ്യപ്പെട്ട് ബന്ധുക്കള്
സംഭവത്തില് ദുരൂഹതയുണ്ടെന്നും,സര്ക്കാര് ഉദ്യോഗസ്ഥന്റെ മേല്നോട്ടത്തില് ഇന്ക്വസ്റ്റും പോസ്റ്റുമോര്ട്ടവും നടത്തണമെന്ന് ബന്ധുക്കള് ആവശ്യപ്പെട്ടു
കോഴിക്കോട്: പോലിസ് വീട്ടില് നിന്നിറക്കി കൊണ്ടുപോയി കസ്റ്റഡിലെടുത്ത യുവാവിനെ ദുരൂഹ സാഹചര്യത്തില് മരിച്ച നിലയില് കണ്ടെത്തി. ചെറുവണ്ണൂര് ബി സി റോഡില് നാറാണത് വീട്ടില് ജിഷ്ണു (28) ആണ് മരിച്ചത്.സംഭവത്തില് ദുരൂഹതയുണ്ടെന്നും,സര്ക്കാര് ഉദ്യോഗസ്ഥന്റെ മേല്നോട്ടത്തില് ഇന്ക്വസ്റ്റും പോസ്റ്റുമോര്ട്ടവും നടത്തണമെന്ന് ബന്ധുക്കള് ആവശ്യപ്പെട്ടു.
ഇന്നലെ രാത്രിയാണ് നല്ലളം പോലിസ് സ്റ്റേഷനിലെ രണ്ട് പോലിസുകാരെത്തി ജിഷ്ണുവിനെ വീട്ടില് നിന്നും കൂട്ടിക്കൊണ്ടുപോയത്. വീട്ടിലില്ലായിരുന്ന ജിഷ്ണുവിനെ ഫോണില് വിളിച്ചുവരുത്തിയാണ് കൂട്ടിക്കൊണ്ട് പോയതെന്ന് ബന്ധുക്കള് പറഞ്ഞു.അതിന് ശേഷം രാത്രി ഒമ്പതരക്കാണ് വഴിയരികില് അത്യാസന്ന നിലയില് ജിഷ്ണുവിനെ നാട്ടുകാര് കണ്ടത്.ചെവിയില് നിന്ന് രക്തവും മൂക്കില് നിന്നും വായില് നിന്നും നുരയും പതയും വരുന്നുണ്ടായിരുന്നതായി നാട്ടുകാര് പറയുന്നു.ഉടനെ തന്നെ ആശുപത്രിയില് കൊണ്ടുപോയെങ്കിലും ജീവന് രക്ഷിക്കാനായില്ല.
അമിത വേഗതയില് കാറോടിച്ചതിന് പോലിസ് കൈകാണിച്ചിട്ടും നിര്ത്താതെ പോയതിന് കേസെടുത്തു എന്ന് പറഞ്ഞാണ് ജിഷ്ണുവിനെ വീട്ടില് നിന്ന് പോലിസ് ഇറക്കിക്കൊണ്ട് പോയതെന്നാണ് ബന്ധുക്കള് പറയുന്നത്. മഫ്തിയിലുള്ള പോലിസുകാരാണ് എത്തിയത്.എന്നാല് കേസന്വേഷണത്തിന്റെ ഭാഗമായി ജിഷ്ണുവിന്റെ അടുത്ത് വന്ന് വിവരങ്ങളറിയുക മാത്രമാണ് ചെയ്തതെന്നാണ് പോലിസ് നല്കുന്ന വിശദീകരണം.
RELATED STORIES
കളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMTകോഴിക്കോട് മെഡിക്കല് കോളജ് ഐസിയു പീഡനക്കേസ് അതിജീവിതയുടെ സമരം...
23 April 2024 11:31 AM GMTമോദിയുടെ വര്ഗീയപ്രസംഗം: പരാതി പരിശോധിച്ചു വരികയാണെന്ന് തിരഞ്ഞെടുപ്പ്...
23 April 2024 11:02 AM GMT