കൊല്ലത്ത് ബാങ്കിനുള്ളിൽ സ്ത്രീ തീ കൊളുത്തി ആത്മഹത്യ ചെയ്തു

കൊല്ലം: പരവൂര്‍ പൂതക്കുളം ബാങ്കിനുള്ളില്‍ സ്ത്രീ പെട്രോള്‍ ഒഴിച്ച് തീകൊളുത്തി മരിച്ചു. പൂതക്കുളം സര്‍വീസ് സഹകരണ ബാങ്കിലാണ് ആത്മഹത്യ. പൂതക്കുളം സ്വദേശിനി സത്യവതിയാണ് മരിച്ചത്. ഇന്ന് ഉച്ചക്ക് 2 മണിയോടെയാണ് സംഭവം. ബാങ്കിനുള്ളില്‍ കയറി ശരീരത്തിലേക്ക് പെട്രോള്‍ ഒഴിച്ച് തീ കത്തിക്കുകയായിരുന്നു. ബാങ്കില്‍ ഉണ്ടായിരുന്ന ജീവനക്കാരും ആളുകളും എമര്‍ജന്‍സി എക്‌സിറ്റ് വഴി ഓടി പുറത്തിറങ്ങി. സംഭവത്തില്‍ മറ്റാര്‍ക്കും പരിക്കുകളില്ല. ബാങ്കിലെ താല്‍ക്കാലിക കലക്ഷന്‍ ഏജന്റ് ആണ് സത്യവതി. ആത്മഹത്യാകാരണം വ്യക്തമല്ല.