അഡ്രസ് ഏതുമായിക്കോട്ടെ സർക്കാരിന് കാശ് കിട്ടിയാൽ മതി; പോലിസിന്റെ പരിശോധനാ ദൃശ്യം പുറത്ത്
പേര് രാമനാണെന്നും പിതാവിന്റെ പേര് ദശരധൻ ആണെന്നും അയോദ്ധ്യയാണ് തന്റെ നാടെന്നും യുവാവ് പറയുന്നു
കോഴിക്കോട്: വാഹന പരിശോധനയ്ക്കിടെ പോലിസുദ്യോഗസ്ഥൻ നടത്തിയ പരാമർശം വിവാദമാകുന്നു. സർക്കാരിന് കാശ് കിട്ടിയാൽ മതിയെന്നും മേൽവിലാസമൊന്നും പ്രശ്നമല്ലെന്നുമാണ് പിഴയൊടുക്കേണ്ടി വന്ന യുവാവിനോട് ഈ ഉദ്യോഗസ്ഥൻ പറയുന്നത്. ഇതിനോടകം തന്നെ വീഡിയോ നിരവധി പേർ പങ്കുവച്ചിട്ടുണ്ട്.
നിങ്ങൾക്ക് കാശ് കിട്ടിയില്ലേ, ഇനി ആരുടേയെങ്കിലും പേരെഴുതിക്കോയെന്ന് പിഴയൊടുക്കിയ ശേഷം യുവാവ് പറഞ്ഞപ്പോൾ നിങ്ങൾ എന്തേലും പേര് പറ നിങ്ങളുടെ പേര് വേണമെന്നില്ല എന്ന മറുപടിയായിരുന്നു പോലിസ് ഉദ്യോഗസ്ഥൻ നൽകിയത്. പിന്നാലെ പേര് രാമനാണെന്നും പിതാവിന്റെ പേര് ദശരധൻ ആണെന്നും അയോദ്ധ്യയാണ് തന്റെ നാടെന്നും യുവാവ് പറയുന്നു. എന്നാൽ രസീത് പുസ്തകത്തിൽ അത് അതുപോലെ പോലിസ് ഉദ്യോഗസ്ഥൻ പകർത്തുന്നതും ദൃശ്യങ്ങളിലുണ്ട്.
വാഹന പരിശോധനയിലൂടെ വ്യാപകമായി പിഴയീടാക്കണമെന്ന സർക്കാർ നിർദേശമാണ് പോലിസ് ഉദ്യോഗസ്ഥരെ ഇത്തരത്തിൽ പെരുമാറുവാൻ പ്രേരിപ്പിക്കുന്നതെന്ന ആക്ഷേപവും സാമൂഹിക മാധ്യമങ്ങളിലൂടെ ഉയരുന്നുണ്ട്. എന്നാൽ ഇത് ഏത് സ്റ്റേഷൻ പരിധിയിലുള്ള വീഡിയോ ആണെന്ന് തിരിച്ചറിയാൻ ഇതുവരെ സാധിച്ചിട്ടില്ല.
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT