ഇടിമിന്നലോട് കൂടിയ ശക്തമായ മഴയ്ക്ക് സാധ്യത
പത്തനംതിട്ട, കൊല്ലം, കോട്ടയം, ഇടുക്കി, വയനാട്, കോഴിക്കോട്, വയനാട്, മലപ്പുറം, കോഴിക്കോട്, കണ്ണൂര് എന്നീ ജില്ലകളില് ഉരുള്പൊട്ടല് സാധ്യത ഉള്ളതിനാല് രാത്രി സമയത്തെ മലയോരമേഘലയിലേക്കുള്ള യാത്ര ഒഴിവാക്കണം. പുഴകളിലും, ചാലുകളിലും, വെള്ളകെട്ടിലും ഇറങ്ങരുത്. മരങ്ങള്ക്ക് താഴെ വാഹനം പാര്ക്ക് ചെയ്യരുതെന്നും അധികൃതര് നിര്ദേശിച്ചു

തിരുവനന്തപുരം: സംസ്ഥാനത്ത് ഒറ്റപെട്ട സ്ഥലങ്ങളില് ഇന്നും നാളെയും ഇടിയോടും മിന്നലോടും കൂടിയ മഴയ്ക്കും കാറ്റിനും സാധ്യതയുണ്ടെന്നു കാലാവസ്ഥാ നിരീക്ഷണ കേന്ദ്രം അറിയിച്ചു. പത്തനംതിട്ട, വയനാട് ജില്ലകളില് Yellow Alert പ്രഖ്യാപിച്ചിട്ടുണ്ട്. ശക്തമായ മഴ പെട്ടെന്നുള്ള വെള്ളപ്പൊക്കം, ഉരുള്പൊട്ടല് മണ്ണിടിച്ചില് എന്നിവക്കു കാരണമാവാന് സാധ്യതയുണ്ട്.
പത്തനംതിട്ട, കൊല്ലം, കോട്ടയം, ഇടുക്കി, വയനാട്, കോഴിക്കോട്, വയനാട്, മലപ്പുറം, കോഴിക്കോട്, കണ്ണൂര് എന്നീ ജില്ലകളില് ഉരുള്പൊട്ടല് സാധ്യത ഉള്ളതിനാല് രാത്രി സമയത്തെ മലയോരമേഘലയിലേക്കുള്ള യാത്ര ഒഴിവാക്കണം. പുഴകളിലും, ചാലുകളിലും, വെള്ളകെട്ടിലും ഇറങ്ങരുത്. മരങ്ങള്ക്ക് താഴെ വാഹനം പാര്ക്ക് ചെയ്യരുതെന്നും അധികൃതര് നിര്ദേശിച്ചു.
ഇടിമിന്നല് ജാഗ്രതാ നിര്ദേശങ്ങള്
സംസ്ഥാനത്തു ഇപ്പോള് ലഭിക്കുന്ന വേനല് മഴയോടനുബന്ധിച്ച് ഉച്ചക്ക് 2 മണി മുതല് വൈകിട്ട് 8 മണിവരെ ശക്തമായ ഇടിമിന്നലിനു സാധ്യതയുണ്ട്. ഇത്തരം ഇടിമിന്നല് വന് അപകടം വരുത്തുന്നവയാണ്. അതിനാല് ഇടിമിന്നല് ദൃശ്യമല്ല എങ്കിലും മുന്കരുതല് സ്വീകരിക്കുന്നതില് നിന്നും വിട്ടുനില്ക്കരുത്. ഉച്ചക്ക് 2 മണി മുതല് വൈകിട്ട് 8 മണിവരെയുള്ള സമയത്ത് കുട്ടികളെ തുറസായ സ്ഥലത്ത് കളിക്കാന് അനുവദിക്കരുത്. ഉണക്കാനിട്ട വസ്ത്രങ്ങള് എടുക്കാന് മുറ്റത്തോ ടെറസിലോ പോവാതിരിക്കുക. നേരത്തെ ഇടിമിന്നലേറ്റവരില് നല്ലൊരു ശതമാനം, വളര്ത്തു മൃഗങ്ങളെ മാറ്റി കെട്ടാനും ടെറസില് ഉണക്കാനിട്ട വസ്ത്രങ്ങള് എടുക്കാനും പോയ വീട്ടമ്മമാരാണ്.
ഇടിമിന്നലിന്റെ ആദ്യ ലക്ഷണം കാണുമ്പോള് തന്നെ സുരക്ഷിതമായ കെട്ടിടത്തിനുള്ളിലേക്ക് മാറുക. ഗൃഹോപകരണങ്ങളുടെ വൈദ്യുതി ബന്ധം വിച്ഛേദിക്കുക. ജനലും വാതിലും അടച്ചിടുക. ലോഹ വസ്തുക്കളുടെ സ്പര്ശനമോ സാമീപ്യമോ ഒഴിവാക്കുക. വൈദ്യുതി ഉപകരണങ്ങളുടെ സാമീപ്യവും ഒഴിവാക്കുക. ഇടിമിന്നലുള്ള സമയത്ത് കുളിക്കുന്നത് ഒഴിവാക്കുക. കഴിയുന്നതും ഭിത്തിയിലോ തറയിലോ സ്പര്ശിക്കാതെ ഇരിക്കുക. വാഹനത്തിനുള്ളില് ആണങ്കില് തുറസ്സായ സ്ഥലത്ത് നിര്ത്തി, ലോഹ ഭാഗങ്ങളില് സ്പര്ശിക്കാതെ ഇരിക്കുക. ഇടിമിന്നല് ഉണ്ടാകുമ്പോള് ജലാശയത്തില് ഇറങ്ങരുത്. തുറസ്സായ സ്ഥലത്താണങ്കില് പാദങ്ങള് ചേര്ത്തുവച്ച് തല കാല് മുട്ടുകള്ക്ക് ഇടയില് ഒതുക്കി പന്തുപോലെ ഉരുണ്ട് ഇരിക്കുന്നതാണ് സുരക്ഷിതം.
സംസാരശേഷി പരിമിതര്ക്കുള്ള ഇടിമിന്നല് സുരക്ഷ സംബന്ധിച്ച ദൃശ്യ സന്ദേശം https://www.youtube.com/watch?v=So1uMkDyzd4 എന്ന ലിങ്കില് ലഭ്യമാണ്.
RELATED STORIES
മഹുവ മൊയ്ത്രയെ വലിച്ചിഴച്ചു; തൃണമൂല് എംപിമാരെ കൂട്ടത്തോടെ...
3 Oct 2023 5:33 PM GMTഡല്ഹിയിലെ മാധ്യമവേട്ട അപലപനീയം: കെയുഡബ്ല്യുജെ
3 Oct 2023 4:02 PM GMTഇഡിയും സിബി ഐയുമല്ലാതെ ആരാണുള്ളത്; എന്ഡിഎയുടെ ഭാഗമാവാന് ബിആര്എസിന്...
3 Oct 2023 3:54 PM GMTകേരളത്തിലെ തുടര്ച്ചയായ കലാപശ്രമങ്ങള്: സ്വതന്ത്ര ജുഡീഷ്യല് കമ്മീഷന് ...
3 Oct 2023 2:41 PM GMTസിപിഎം മുസ്ലിം വിദ്വേഷത്തിന്റ പ്രചാരകരായി മാറുന്നത് അത്യന്തം...
3 Oct 2023 2:16 PM GMTമഹാരാഷ്ട്രയില് വീണ്ടും കൂട്ട മരണം; സര്ക്കാര് ആശുപത്രിയില് 24...
3 Oct 2023 2:12 PM GMT