ജാതിരഹിത ഇന്ത്യ ആദ്യം വിഭാവനം ചെയ്തത് സവർക്കറെന്ന് ഉപരാഷ്ട്രപതി വെങ്കയ്യ നായിഡു
ഇന്ത്യയിലെ തൊട്ടുകൂടായ്മക്കെതിരെ ഏറ്റവും ശക്തമായ പ്രക്ഷോഭം തുടങ്ങിവരില് ഒരാള് സവര്ക്കറാണെന്ന് വളരെ കുറച്ച് പേര്ക്ക് മാത്രമേ അറിയൂ.
ന്യൂഡൽഹി: ആർഎസ്എസ് സൈദ്ധാന്തികൻ വിഡി സവർക്കർ ബഹുമുഖ പ്രതിഭയുള്ള വ്യക്തിത്വം ആയിരുന്നുവെന്ന് ഉപരാഷ്ട്രപതി വെങ്കയ്യ നായിഡു. 'സവര്ക്കര്: എക്കോസ് ഫ്രം ഫോര്ഗോട്ടന് പാസ്റ്റ്' എന്ന പുസ്തകം പ്രകാശനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. സവര്ക്കര് സ്വാതന്ത്ര്യസമര സേനാനിയും സാമൂഹ്യ പരിഷ്കര്ത്താവും രാഷ്ട്രീയ നേതാവും തത്ത്വചിന്തകനും എല്ലാമായിരുന്നുവെന്നും ഉപരാഷ്ട്രപതി പറഞ്ഞു.
സവര്ക്കറുടെ പല മുഖങ്ങളും ഇപ്പോഴും വേർതിരിച്ചറിയാൻ പോലും സാധിച്ചിട്ടില്ല. ഇന്ത്യയിലെ തൊട്ടുകൂടായ്മക്കെതിരെ ഏറ്റവും ശക്തമായ പ്രക്ഷോഭം തുടങ്ങിവരില് ഒരാള് സവര്ക്കറാണെന്ന് വളരെ കുറച്ച് പേര്ക്ക് മാത്രമേ അറിയൂ. രത്നഗിരി ജില്ലയില് പവന് മന്ദിര് നിര്മിച്ച് ദലിതര് ഉള്പ്പെടെ എല്ലാ ഹിന്ദുക്കള്ക്കും അവിടെ പ്രവേശനം അനുവദിച്ചത് സവര്ക്കറാണ്.
ജാതിരഹിത ഇന്ത്യ ആദ്യം വിഭാവനം ചെയ്തത് അദ്ദേഹമാണ്. 1857ല് നടന്ന ബ്രിട്ടീഷ് വിരുദ്ധ പ്രക്ഷോഭത്തെ സ്വാതന്ത്ര്യത്തിന് വേണ്ടിയുള്ള ആദ്യ യുദ്ധം എന്ന് അദ്ദേഹം വിളിച്ചു. ഇന്ത്യക്കാര് വിദേശ രാജ്യങ്ങളില് പോയി അവിടെയുള്ള മികച്ച കാര്യങ്ങള് ഇങ്ങോട്ട് കൊണ്ട് വരണമെന്നും രാജ്യത്തിന്റെ സംസ്കാരം ലോകത്തിന്റെ എല്ലാ മൂലയിലും എത്തിക്കണമെന്നും അദ്ദേഹം പറഞ്ഞിരുന്നു.
ദീര്ഘ വീക്ഷണമുള്ള സവര്ക്കര് ഇന്ത്യയുടെ ഭാവി വികസനത്തിന് നല്കിയ ഊര്ജം ഓര്മിക്കപ്പെടേണ്ടതാണ്. ജീവിതകാലത്ത് ഒരുവട്ടമെങ്കിലും ജയില് പോകണമെന്ന് സ്വാതന്ത്ര്യസമരകാലത്ത് അദ്ദേഹം പറഞ്ഞിരുന്നതായും ഉപരാഷ്ട്രപതി കൂട്ടിച്ചേര്ത്തു.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT