വടകര: തോല്വി ഉറപ്പായതോടെ യുഡിഎഫ് മാഫിയയെപ്പോലെ പ്രവര്ത്തിക്കുന്നുവെന്ന് എം വി ഗോവിന്ദന്
ഇടുക്കി: വടകരയില് തോല്വി ഉറപ്പായതോടെ യുഡിഎഫ് മാഫിയയെപ്പോലെ പ്രവര്ത്തിക്കുകയാണെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. ഇടുക്കിയില് മാധ്യമങ്ങളോട് സംസാരിക്കുകയായിരുന്നു അദ്ദേഹം. വടകരയിലെ എല്ഡിഎഫ് സ്ഥാനാര്ഥി കെ കെ ശൈലജയ്ക്കെതിരായ സാമൂഹികമാധ്യമങ്ങളിലെ വ്യക്തിഹത്യാ പ്രചാരണത്തില് പ്രതികരിക്കുകയായിരുന്നു അദ്ദേഹം. ഇടതുപക്ഷ സ്ഥാനാര്ഥി കെ കെ ശൈലജ വന് ഭൂരിപക്ഷത്തോടെ ജയിക്കുമെന്ന ജനങ്ങളുടെ നിശ്ചദാര്ഢ്യം യുഡിഎഫ് തിരിച്ചറിഞ്ഞു. ഇതോടെ. രാഷ്ട്രീയപരമായി അവരെ നേരിടാനാവില്ലെന്നായതോടെ നിരവധി വഴികളിലൂടെ സ്ഥാനാര്ഥിയുടെ അറിവോടെ യുഡിഎഫിന്റെ തണലില് അവര് മാഫിയ സംഘം പോലെ പ്രവര്ത്തിക്കുകയാണ്. ടെലിവിഷന് ചാനലിന് നല്കിയ അഭിമുഖം എഡിറ്റ് ചെയ്ത് പ്രചരിപ്പിച്ചു. പാനൂര് സ്ഫോടനത്തില് ഏര്പ്പെട്ടയാള് എന്ന തരത്തില് മറ്റൊരു ചിത്രം പ്രചരിപ്പിച്ചു. കാന്തപുരത്തിന്റെ വ്യാജ ലെറ്റര്പാഡ് ഉപയോഗിച്ച് വ്യാജവാര്ത്ത സൃഷ്ടിച്ചു. യൂത്ത് കോണ്ഗ്രസിന്റെ പ്രസിഡന്റ് തിരഞ്ഞെടുപ്പുമായി ബന്ധപ്പെട്ട സംഭവത്തില് എങ്ങനെ കൃത്രിമരേഖകള് ഉണ്ടാക്കിയെന്നത് ഇപ്പോഴും കേരളം ചര്ച്ച ചെയ്ത് പൂര്ത്തിയാക്കിയിട്ടില്ല. ഇത്തരം കാര്യങ്ങളിലും, അശ്ലീല പ്രചeരണത്തിലും കുപ്രസിദ്ധി നേടിയിട്ടുള്ളൊരു സംഘം രാഷ്ട്രീയരംഗത്തേക്ക് വരുന്നുവെന്നത് കേരളത്തിന്റെ രാഷ്ട്രീയ ചരിത്രത്തിലില്ലാത്തൊരു ശ്രമമാണ്. എല്ഡിഎഫിന്റെ ഏറ്റവും പ്രമുഖയായ നേതാവാണ് കെ കെ ശൈലജ. ഇതിനെ ശക്തമായ രീതിയില് കേരളത്തിലെ സ്ത്രീകളും പുരോഗമന മനസ്സുള്ള സമൂഹവും യുഡിഎഫിന് തിരിച്ചടി നല്കുമെന്നും അദ്ദേഹം പറഞ്ഞു.
RELATED STORIES
കണ്ണൂര് ചെറുകുന്നില് കാറും ലോറിയും കൂട്ടിയിടിച്ച് അഞ്ചു മരണം
29 April 2024 7:30 PM GMTഎല്ഡിഎഫ് പരസ്യം; സുപ്രഭാതത്തിനും ദീപികയ്ക്കും തിരഞ്ഞെടുപ്പ്...
29 April 2024 3:49 PM GMTഇ പിക്കുള്ള സംരക്ഷണം സിപിഎമ്മിലെ ബിജെപി സ്വാധീനത്തിനു തെളിവെന്ന് കെ...
29 April 2024 3:25 PM GMTവിദ്വേഷപ്രസംഗത്തില് മോദിക്കെതിരേ കേസെടുക്കണം;എസ് ഡിപി ഐ പ്രതിഷേധ...
29 April 2024 3:07 PM GMTഉഷ്ണതരംഗ സാധ്യത; സര്ക്കാര്-സ്വകാര്യ ഐടിഐകള്ക്ക് മെയ് നാലുവരെ അവധി
29 April 2024 2:57 PM GMTഅമിത് ഷാ സഞ്ചരിച്ച ഹെലികോപ്ടറിന് പറന്നുയരുന്നതിനിടെ നിയന്ത്രണം...
29 April 2024 12:58 PM GMT