പ്രതിസന്ധി രൂക്ഷമാകും; എണ്ണവില ഇനിയും ഉയരുമെന്ന് യുഎസ് ഊര്‍ജ്ജ സെക്രട്ടറി

ഹോര്‍മുസ് കടലിടുക്കിലെ തുടര്‍ച്ചയായ തടസ്സങ്ങള്‍ കാരണം വരും ആഴ്ചകളില്‍ എണ്ണവില ഏറ്റവും ഉയര്‍ന്ന നിലയിലെത്തുമെന്ന് യുഎസ് ഊര്‍ജ്ജ സെക്രട്ടറി ക്രിസ് റൈറ്റ് പറഞ്ഞു.

'ഹോര്‍മുസ് കടലിടുക്കിലൂടെ കപ്പല്‍ ഗതാഗതം സാധാരണ നിലയിലാകുന്നത് വരേ ഊര്‍ജ്ജ വില ഉയരും. നിലവിലെ സാഹചര്യത്തില്‍ വില കൂടുതല്‍ ഉയരുന്നതും കാണാന്‍ പോകുകയാണ്,'' വാഷിംഗ്ടണ്‍ ഡിസിയില്‍ നടന്ന സെമാഫോര്‍ വേള്‍ഡ് ഇക്കണോമി കോണ്‍ഫറന്‍സില്‍ റൈറ്റ് പറഞ്ഞു. 'അത് ആ സമയത്തെ ഏറ്റവും ഉയര്‍ന്ന എണ്ണവിലയിലെത്താന്‍ സാധ്യതയുണ്ട്. അടുത്ത ഏതാനും ആഴ്ചകള്‍ക്കുള്ളില്‍ അത് സംഭവിക്കാം.'

യുഎസ്-ഇറാന്‍ സംഘര്‍ഷം അവസാനിക്കുകയും 'ഊര്‍ജ്ജം വീണ്ടും ഒഴുകാന്‍ തുടങ്ങുകയും' ചെയ്തുകഴിഞ്ഞാല്‍ വില വീണ്ടും കുറയുമെന്ന് റൈറ്റ് പറഞ്ഞു. എന്നാല്‍, സെപ്തംബര്‍ വരേ കാത്തിരിക്കേണ്ടി വരുമെന്നും റൈറ്റ് പറഞ്ഞു.