താലിബാന്‍ നയിക്കുന്ന അഫ്ഗാനിസ്താനുമായി യുഎന്‍ ഔപചാരിക ബന്ധം സ്ഥാപിക്കുന്നു

ന്യൂയോര്‍ക്ക്: താലിബാന്‍ നയിക്കുന്ന അഫ്ഗാനിസ്താനുമായി ഐക്യരാഷ്ട്ര സഭ ഔപചാരിക ബന്ധം സ്ഥാപിക്കുന്നു. അന്താരാഷ്ട്ര അംഗീകാരം നേടിയിട്ടില്ലാത്ത അഫ്ഗാനിസ്താനുമായി ബന്ധം സ്ഥാപിക്കുന്നതിനായി യുഎന്‍ സുരക്ഷാ കൗണ്‍സില്‍ വ്യാഴാഴ്ച വോട്ടെടുപ്പ് നടത്തി. 14 പേര്‍ അനുകൂലമായി വോട്ടുചെയ്തു. റഷ്യ വോട്ടെടുപ്പില്‍ നിന്ന് വിട്ടുനിന്നു. താലിബാന്‍ എന്ന വാക്ക് ഉപയോഗിക്കാത്തതും അഫ്ഗാനിസ്താനിലെ പുതിയ ഒരുവര്‍ഷത്തെ ജനവിധിയെ വ്യക്തമാക്കുന്നതുമായ യുഎന്‍ രാഷ്ട്രീയ ദൗത്യം സംബന്ധിച്ച ഒരു പ്രമേയം അംഗീകരിക്കുന്നതിനാണ് വോട്ടെടുപ്പ് നടത്തിയത്.

ഇത് രാജ്യത്തെ സമാധാനത്തിന് 'നിര്‍ണായകമാണ്' എന്ന് പ്രമേയം പറയുന്നു. സ്ത്രീകളും കുട്ടികളും പത്രപ്രവര്‍ത്തകരും ഉള്‍പ്പെടെയുള്ള മാനുഷിക, രാഷ്ട്രീയ, മനുഷ്യാവകാശ മേഖലകളിലെ സഹകരണത്തിന്റെ നിരവധി ധാരകള്‍ പ്രമേയത്തില്‍ ഉള്‍പ്പെടുന്നു.

അഫ്ഗാനിസ്താനിലേക്കുള്ള യുഎന്‍ ദൗത്യം സംബന്ധിച്ച പുതിയ ഉത്തരവ് മനുഷ്യത്വപരവും സാമ്പത്തികവുമായ പ്രതിസന്ധിയോട് പ്രതികരിക്കുന്നതിന് മാത്രമല്ല, അഫ്ഗാനിസ്താനിലെ സമാധാനവും സുസ്ഥിരതയും എന്ന ഞങ്ങളുടെ സമഗ്രമായ ലക്ഷ്യത്തിലെത്താനും നിര്‍ണായകമാണ്- വോട്ടെടുപ്പിന് ശേഷം പ്രമേയം തയ്യാറാക്കിയ നോര്‍വീജിയന്‍ യുഎന്‍ അംബാസഡര്‍ മോന ജൂള്‍ എഎഫ്പിയോട് പറഞ്ഞു.

ഈ പുതിയ ഉത്തരവിലൂടെ കൗണ്‍സില്‍ വ്യക്തമായ സന്ദേശം നല്‍കുന്നു. അഫ്ഗാനിസ്താനില്‍ സമാധാനവും സ്ഥിരതയും പ്രോല്‍സാഹിപ്പിക്കുന്നതിനും അഫ്ഗാന്‍ ജനത അഭൂതപൂര്‍വമായ വെല്ലുവിളികളും അനിശ്ചിതത്വങ്ങളും അഭിമുഖീകരിക്കുമ്പോള്‍ അവരെ പിന്തുണയ്ക്കുന്നതിനും യുഎന്‍ രാഷ്ട്രീയ ദൗത്യത്തിന് നിര്‍ണായക പങ്കുണ്ട്- ജൂള്‍ കൂട്ടിച്ചേര്‍ത്തു.