കരിപ്പൂരില് 45 ലക്ഷത്തിന്റെ സ്വര്ണം പിടിച്ചു; കടത്താന് ശ്രമിച്ചത് അടിവസ്ത്രത്തിനുളളിലും സോക്സിനുളളിലും ഒളിപ്പിച്ച്
45 ലക്ഷം വില വരുന്ന 1.35 കിലോഗ്രാം സ്വര്ണം ഇവരില് നിന്നു പിടികൂടി. രഹസ്യ വിവരത്തെതുടര്ന്ന് നടത്തിയ പരിശോധനയില് എയര് കസ്റ്റംസ് ഇന്റലിജന്സാണ് സ്വര്ണം പിടിച്ചത്.
മലപ്പുറം: അടിവസ്ത്രത്തിനകത്തും ധരിച്ച സോക്സിനകത്തുമായി സ്വര്ണം ഒളിപ്പിച്ച് കടത്താന് ശ്രമിച്ച രണ്ടുപേര് കരിപ്പൂര് വിമാനത്തവളത്തില് പിടിയിലായി. 45 ലക്ഷം വില വരുന്ന 1.35 കിലോഗ്രാം സ്വര്ണം ഇവരില് നിന്നു പിടികൂടി. രഹസ്യ വിവരത്തെതുടര്ന്ന് നടത്തിയ പരിശോധനയില് എയര് കസ്റ്റംസ് ഇന്റലിജന്സാണ് സ്വര്ണം പിടിച്ചത്.
ഷാര്ജയില് നിന്നുളള എയര് അറേബ്യയിലെത്തിയ തിരൂര് സ്വദേശി മുഹമ്മദ് റാഷിഫില് നിന്നും 750 ഗ്രാം തൂക്കമുള്ള മാലയാണ് പിടിച്ചത്. അടിവസ്ത്രത്തിനുളളില് ഒളിപ്പിച്ച നിലയിലായിരുന്നു സ്വര്ണം.
ദുബയില് നിന്നും ഒമാന് എയറിലെത്തിയ തലശ്ശേരി സ്വദേശി മുജീബില് നിന്നും 600 ഗ്രാം സ്വര്ണം പിടികൂടി. ധരിച്ച സോക്സിനുളളില് ഒളിപ്പിച്ചു സ്വര്ണം കടത്താനായിരുന്നു ശ്രമം. കസ്റ്റംസ് അസി. കമീഷണര് നിഥിന് ലാല്, സൂപ്രണ്ടുമാരായ ഗോകുല്ദാസ്, ബിമല്ദാസ്, ഐസക്ക് വര്ഗീസ്, ഇന്സ്പെക്ടര്മാരായ നവീന്, മനോജ്, നിഷാദ്, നീല്കമല്, ഹവില്ദാര് ഫ്രാന്സിസ് എന്നിവരടങ്ങിയ സംഘമാണ് സ്വര്ണം പിടിച്ചത്.
സ്വര്ണക്കടത്ത് വ്യാപകം കരിപ്പൂര് വിമാനത്തവളം വഴി മലദ്വാരത്തില് സ്വര്ണം കടത്താന് ശ്രമിച്ച കോഴിക്കോട് മുഹമ്മദ് ഷിഹാബുദ്ദീനും, അടിവസ്ത്രത്തിനുളളില് ഒളിപ്പിച്ചു കടത്താന് ശ്രമിച്ച കാസര്കോട്ടെ മുഹമ്മദ് നയീമും പിടിയിലായത് ദിവസങ്ങള്ക്ക് മുമ്പാണ്.
RELATED STORIES
മഹാരാഷ്ട്ര സ്വദേശിയെ അക്രമിച്ച് 1.75 കോടി രൂപയുടെ സ്വര്ണം കവര്ന്നു
4 May 2024 5:05 PM GMTകെഎസ്ആര്ടിസി ബസ് തടഞ്ഞ സംഭവം: മേയര് ആര്യക്കും സച്ചിന്ദേവിനുമെതിരെ...
4 May 2024 4:52 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMT