തൊപ്പി ധരിച്ചതിന്റെ പേരില് രണ്ട് മുസ് ലിം വിദ്യാര്ഥികള്ക്ക് ക്രൂര മര്ദനം
ദിവസങ്ങള്ക്ക് മുമ്പ് ഹിന്ദു പെണ്കുട്ടിയെ പ്രണയിച്ചതിന്റെ പേരില് അര്ബാസ് അഫ്താബ് എന്ന യുവാവ് നിഷ്ഠൂരമായി കൊലചെയ്യപ്പെട്ട സംഭവവും കര്ണാടകയില് അരങ്ങേറി.
ബംഗളൂരു: സംഘപരിവാര് അധിക്രമം വര്ധിച്ചു വരുന്ന ബിജെപി ഭരിക്കുന്ന കര്ണാടകയില് മുസ് ലിം വിദ്യാര്ഥികള്ക്ക് നേരെ ആക്രമണം. തൊപ്പി ധരിച്ചതിന്റെ പേരില് രണ്ട് മുസ് ലിം വിദ്യാര്ഥികളെ ക്രൂരമായ മര്ദ്ദനത്തിന് ഇരയാക്കിയതായി ദി ന്യൂസ് മിനുറ്റ് റിപ്പോര്ട്ട് ചെയ്തു. കര്ണാടകയിലെ ബഗല്കോട്ടെ ജില്ലയിലാണ് സംഭവം. ഇക്കല് നഗരത്തിലെ ഒരു സ്വകാര്യ ട്യൂഷന് ക്ലാസില് തൊപ്പി ധരിച്ചെത്തിയ വിദ്യാര്ഥികളെ 15 പേരടങ്ങുന്ന ഹിന്ദുത്വര് നിഷ്ഠൂരമായി മര്ദ്ദിക്കുകയായിരുന്നു.
Opposition to #Muslim boy wearing skull cap in private tution has led to clashes in #Ilkal town of #Bagalkote #Karnataka. Muslim students allege when they confronted- they were beaten up by more than 15 people.
— Imran Khan (@KeypadGuerilla) October 12, 2021
2 Students r seriously injured. 2 FIR regd. 1 is counter comp (1/2) pic.twitter.com/xR0Q1bIySs
തങ്കടഗി മഞ്ജു എന്നയാളാണ് തങ്ങളെ ആദ്യം ഭീഷണിപ്പെടുത്തിയതെന്ന് ആക്രമണത്തിന് ഇരയായ വിദ്യാര്ഥികള് പറഞ്ഞു. വീഡിയോ ദൃശ്യങ്ങളിലും വിദ്യാര്ഥികളെ ഭീഷണിപ്പെടുത്തുന്നത് വ്യക്തമാണ്. ഗുരുതരമായി പരിക്കേറ്റ വിദ്യാര്ഥികളെ ആശുപത്രിയില് പ്രവേശിപ്പിച്ചു. ആക്രമണത്തിന് നേതൃത്വം കൊടുത്തയാളുടെ പേര് വിദ്യാര്ഥികള് പോലിസിനോട് പറഞ്ഞെങ്കിലും അക്രമിയുടെ പേര് എഫ്ഐആറില് രേഖപ്പെടുത്തിയിട്ടില്ല.
സംഭവത്തില് പോലിസ് രണ്ട് എഫ്ഐആര് രജിസ്റ്റര് ചെയ്തു. അക്രമത്തിന് ഇരയായ വിദ്യാര്ഥികളുടെ പരാതിയില് ഒരു എഫ്ഐആറും അക്രമികളുടെ പരാതിയില് വിദ്യാര്ഥികളെ പ്രതി ചേര്ത്ത് മറ്റൊരു എഫ്ഐആറും പോലിസ് രജിസ്റ്റര് ചെയ്തു.
അക്രമികള്ക്കെതിരേ ശക്തമായ നടപടിയെടുക്കുമെന്ന് എസ്പി ലോകേഷ് ഭരമപ്പ ജഗലാസര് പറഞ്ഞു. സിആര്പിസി പ്രകാരം ഇരുവഭാഗത്തിന്റേയും പരാതി തള്ളാനാവില്ലെന്നും അക്രമികളില് ചിലര് ആശുപത്രിയില് ചികില്സ തേടിയിട്ടുണ്ടെന്നും എസ്പി അറിയിച്ചു. സംഭവത്തെ കുറിച്ച് അന്വേഷിച്ച് കുറ്റക്കാരെ അറസ്റ്റ് ചെയ്യുമെന്നും അദ്ദേഹം പറഞ്ഞു.
ദിവസങ്ങള്ക്ക് മുമ്പ് ഹിന്ദു പെണ്കുട്ടിയെ പ്രണയിച്ചതിന്റെ പേരില് അര്ബാസ് അഫ്താബ് എന്ന യുവാവ് നിഷ്ഠൂരമായി കൊലചെയ്യപ്പെട്ട സംഭവവും കര്ണാടകയില് അരങ്ങേറി. സംഭവത്തില് ശ്രീരാം സേന നേതാവടക്കം പ്രതികള് അറസ്റ്റിലായി. ബിജെപി അധികാരത്തിലേറിയതിന് കര്ണാടകയില് ഹിന്ദുത്വ ആക്രമണങ്ങള് വര്ദ്ധിച്ചുവരുന്നതായാണ് റിപ്പോര്ട്ട്.
english summery: Two boys attacked for wearing skull caps in private tuition class in Karnataka.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT