വിഖ്യാത എഴുത്തുകാരി ടോണി മോറിസണ് അന്തരിച്ചു
1931ല് ഒഹായോയിലെ ലോറെയിനില് ജനിച്ച ടോണി മോറിസണ് ബിലൌവ്ഡ് എന്ന നോവലിലൂടെയാണ് ലോക പ്രശസ്തിയിലേക്ക് ഉയര്ന്നത്.
ന്യൂയോര്ക്ക്: സാഹിത്യത്തിനുള്ള നോബല് സമ്മാനം നേടിയ ആദ്യത്തെ കറുത്ത വര്ഗ്ഗക്കാരിയായ എഴുത്തുകാരി ടോണി മോറിസണ് (88) അന്തരിച്ചു. മോറിസണിന്റെ പ്രസാധാകരായ നോഫ് ആണ് മരണ വാര്ത്ത ലോകത്തെ അറിയിച്ചത്. ന്യൂയോര്ക്കിലെ മോണ്ട്ഫിയോര് മെഡിക്കല് സെന്ററിലായിരുന്നു അന്ത്യം.
മരണ കാരണം എന്താണെന്ന് സ്ഥിരീകരിച്ചിട്ടില്ല. 1931ല് ഒഹായോയിലെ ലോറെയിനില് ജനിച്ച ടോണി മോറിസണ് ബിലൌവ്ഡ് എന്ന നോവലിലൂടെയാണ് ലോക പ്രശസ്തിയിലേക്ക് ഉയര്ന്നത്.
ഈ നോവലിന് 1988ല് പുലിറ്റ്സര് പുരസ്കാരവും അമേരിക്കന് ബുക് അവാര്ഡും ലഭിച്ചു. 1993ലെ സാഹിത്യത്തിനുള്ള നൊബേല് പുരസ്കാരവും ഇതേ പുസ്തകം നേടി. ആഫ്രിക്കന് അമേരിക്കന് ജീവിതങ്ങള് ആധാരമാക്കി എഴുതിയ മോറിസണിന്റെ നോവലുകള് ജീവിതത്തിന്റെ നേര്ക്കാഴ്ച്ചകളായിരുന്നു. 2012ല് ടോണി മോറിസണ് അമേരിക്കയിലെ ഏറ്റവും വലിയ സിവിലിയന് പുരസ്കാരമായ പ്രസിഡന്ഷ്യല് മെഡല് ഓഫ് ഫ്രീഡം പ്രസിഡന്റ് ബരാക്ക് ഒബാമ സമ്മാനിച്ചിരുന്നു. 1998ല് ബിലൌവ്ഡ് അതേ പേരില് ഓപ്ര വിന്ഫ്രെയും ഡാനി ഗ്ലോവറും അഭിനയിച്ച് സിനിമയാക്കിയിട്ടുണ്ട്.
മോറിസന്റെ നോവല് ത്രയത്തിലെ ആദ്യ പുസ്തകമാണ് ബിലൗവ്ഡ്. പിന്നീട് 1992ല് ജാസും 1997ല് പാരഡൈസും പുറത്തിറങ്ങി. 2015ല് പ്രസിദ്ധീകരിച്ച ഗോഡ് ഹെല്പ് ദി ചൈല്ഡ് ആണ് അവസാന പുസ്തകം. ബിലൗവ്ഡ്, സോങ് ഓഫ് സോളമന്, സുല, ബ്ലൂവെസ്റ്റ് ഐ, എ മെഴ്സി, ഹോം, പാരഡൈസ് എന്നിവയാണ് പ്രധാനപ്പെട്ട കൃതികള്.
RELATED STORIES
എന്ഡ് ടു എന്ഡ് എന്ക്രിപ്ഷന് എടുത്തുമാറ്റാന് ആവശ്യപ്പെട്ടാല്...
26 April 2024 3:10 PM GMTകേരളത്തില് കള്ളവോട്ട് പരാതി വ്യാപകം; പത്തനംതിട്ട മണ്ഡലത്തില് ഏഴ്...
26 April 2024 3:01 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT