ഇടിമിന്നലേറ്റ് സംസ്ഥാനത്ത് മൂന്നുമരണം

തിരുവനന്തപുരം: സംസ്ഥാനത്ത് ഇടിമിന്നലേറ്റ് മൂന്നുപേര്‍ മരിച്ചു. മലപ്പുറത്ത് രണ്ട് പേരും പാലക്കാട്ട് ഒരാളുമാണ് മരിച്ചത്. രാമപുരം പിലാപറമ്പ് കൊങ്ങുംപാറയിലെ അബ്ദുര്‍റസാഖിന്റെ മകന്‍ ഷമീം, എടവണ്ണയില്‍ ചുങ്കത്തറ സ്വദേശി ദിവാകരന്‍ എന്നിവരാണ് മരിച്ചത്. ഷമീമിനു വീട്ടില്‍ നിന്നാണ് മിന്നലേറ്റത്.

പാലക്കാട്ട് തച്ചമ്പാറയ്ക്കു സമീപം കാഞ്ഞിരപ്പുഴ സ്വദേശി ഗണേശന്‍ മിന്നലേറ്റു മരിച്ചു. കാഞ്ഞിരപ്പുഴ ഡാമില്‍ മീന്‍ പിടിക്കുന്നതിനിടെയാണ് സംഭവം. തച്ചമ്പാറ ഗ്രാമ പഞ്ചായത്ത് മുന്‍ അംഗമാണ്. സംസ്ഥാനത്തിന്റെ വിവിധ ഭാഗങ്ങളില്‍ ഇന്നു വൈകീട്ടോടെ ഇടിമിന്നലോടു കൂടിയ മഴ പെയ്തിരുന്നു.