ക്ഷേത്ര മൈതാനിയില്‍ കളിക്കാനെത്തിയ ക്രൈസ്തവ യുവാക്കളെ ഹിന്ദുത്വര്‍ ആട്ടിയോടിച്ചു (വീഡിയോ)

ബംഗളൂരു: ക്ഷേത്ര മൈതാനിയില്‍ കളിക്കാന്‍ എത്തിയ ക്രൈസ്ത യുവാക്കളെ ആട്ടിയോടിച്ച് ക്ഷേത്ര ഭരണസമിതി ഭാരവാഹികളായ ഹിന്ദുത്വര്‍. ദക്ഷിണ കന്നടയിലെ സുള്ള്യയിലാണ് സംഭവം.

ക്ഷേത്ര മൈതാനിയില്‍ ഹിന്ദു സുഹൃത്തുക്കളോടൊപ്പം പതിവായി കളിക്കാനെത്തുന്ന ക്രൈസ്തവ യുവാക്കളേയാണ് ഹിന്ദുത്വര്‍ വിരട്ടിയോടിച്ചത്. ക്രൈസ്തവര്‍ പള്ളിപ്പറമ്പില്‍ പോയി കളിച്ചാല്‍ മതിയെന്നും ക്ഷേത്ര മൈതാനം ഹിന്ദുക്കള്‍ക്ക് മാത്രമുള്ളതാണെന്നും ഹിന്ദുത്വര്‍ പറയുന്നത് വീഡിയോയില്‍ കേള്‍ക്കാം.

സുള്ള്യയിലെ സ്വാമി കൊരഗജ്ജ ക്ഷേത്രത്തിലെ ഭരണസമിതി അംഗമായ പ്രവീണ്‍ കുമാറിന്റെ നേതൃത്വത്തിലുള്ള സംഘമാണ് യുവാക്കളെ പുറത്താക്കിയത്. സംഭവത്തിന്റെ വീഡിയോ സാമൂഹിക മാധ്യമങ്ങളില്‍ വൈറലായിട്ടുണ്ട്.