വന്ദേഭാരത് എക്‌സ്പ്രസിന് നേരേ കല്ലേറ്; മൂന്നുപേര്‍ അറസ്റ്റില്‍

വിശാഖപട്ടണം: ആന്ധ്രാപ്രദേശിലെ വിശാഖപ്പട്ടണത്ത് നിര്‍ത്തിയിട്ടിരുന്ന വന്ദേഭാരത് എക്‌സ്പ്രസിന് നേരേ കല്ലെറിഞ്ഞ മൂന്നുപേര്‍ അറസ്റ്റിലായി. വിശാഖപട്ടണത്തിന് തൊട്ടടുത്ത് കാഞ്ചരപാളം എന്ന സ്ഥലത്ത് ബുധനാഴ്ചയാണ് വന്ദേഭാരത് എക്‌സ്പ്രസിന് നേരേ കല്ലേറുണ്ടായത്. ഇവര്‍ കല്ലെറിയുന്ന സിസിടവി ദൃശ്യങ്ങള്‍ പുറത്തുവന്നിരുന്നു.

കല്ലേറില്‍ വന്ദേഭാരത് എക്‌സ്പ്രസിന്റെ ഒരു കോച്ചിലെ എല്ലാ ചില്ലുകളും പൊട്ടിയിരുന്നു. ആര്‍പിഎഫിന്റെയും ജിആര്‍പിയുടെയും സിറ്റി പോലിസിന്റെയും സംയുക്ത സംഘമാണ് അക്രമിസംഘത്തെ പിടികൂടിയത്. ക്രിമിനല്‍ പശ്ചാത്തലമുള്ളവരാണ് അറസ്റ്റിലായതെന്നാണ് വിവരം. ജനുവരി 19ന് പ്രധാനമന്ത്രി നരേന്ദ്ര മോദി ഉദ്ഘാടനം ചെയ്യുന്ന സെക്കന്ദരാബാദ് വിശാഖപ്പട്ടണം റൂട്ടില്‍ സര്‍വീസ് നടത്തേണ്ട ട്രെയിനിന് നേരെയാണ് കല്ലേറുണ്ടായത്.