സ്കൂള് കായികോല്സവത്തിന് നാളെ ട്രാക്കുണരും
ശനിയാഴ്ച രാവിലെ ഒമ്പതിനു പൊതുവിദ്യാഭ്യാസ ഡയറക്ടര് കെ ജീവന് ബാബു പതാകയുയര്ത്തും. വൈകീട്ട് 3.30ന് മന്ത്രി ഇ പി ജയരാജന് ഉദ്ഘാടനം ചെയ്യും.
കണ്ണൂര്: 63ാമത് സംസ്ഥാന സ്കൂള് കായികോല്സവത്തിന് നാളെ കണ്ണൂര് ജില്ലയിലെ മാങ്ങാട്ടുപറമ്പ് സിന്തറ്റിക് സ്റ്റേഡിയത്തില് നാളെ തുടങ്ങും. 14 ജില്ലകളില്നിന്നായി 2000ത്തോളം പ്രതിഭകള് മാറ്റുരയ്ക്കും. കായികതാരങ്ങള് ഇന്ന് വൈകീട്ടോടെ കണ്ണൂരിലെത്തിത്തുടങ്ങും. ശനിയാഴ്ച രാവിലെ ഒമ്പതിനു പൊതുവിദ്യാഭ്യാസ ഡയറക്ടര് കെ ജീവന് ബാബു പതാകയുയര്ത്തും. വൈകീട്ട് 3.30ന് മന്ത്രി ഇ പി ജയരാജന് ഉദ്ഘാടനം ചെയ്യും. മന്ത്രിമാരായ സി രവീന്ദ്രനാഥ്, രാമചന്ദ്രന് കടന്നപ്പള്ളി തുടങ്ങിയവര് പങ്കെടുക്കും. ശനിയാഴ്ച രാവിലെ ഏഴിനുതന്നെ മത്സരങ്ങള് തുടങ്ങും. ആദ്യദിനം ഹീറ്റ്സ് മല്സരങ്ങളുള്പ്പെടെ 30 മല്സരങ്ങളാണ് നടക്കുക. സീനിയര് ആണ്കുട്ടികളുടെ 3000 മീറ്റര് മല്സരമാണ് ആദ്യം നടക്കുക. തുടര്ന്ന് സീനിയര് പെണ്കുട്ടികളുടെ 3000 മീറ്ററും ജൂനിയര് ആണ്കുട്ടികളുടെ 3000 മീറ്ററും നടക്കും.
ജൂനിയര് ആണ്കുട്ടികളുടെ ലോങ് ജംപ്, ജൂനിയര് പെണ്കുട്ടികളുടെ ഷോട്ട്പുട്ട്, ജൂനിയര് പെണ്കുട്ടികളുടെ 3000 മീറ്റര്, സബ് ജൂനിയര് ആണ്കുട്ടികളുടെ ഹൈജംപ് എന്നീ മല്സരങ്ങളും നടക്കും. സബ് ജൂനിയര്, ജൂനിയര് ആണ്/പെണ് 400 മീറ്റര് ഹീറ്റ്സ് മല്സരങ്ങളും ജാവലിന് ത്രോയും തുടര്ന്ന് നടക്കും.
മേളയുടെ ഭാഗമായി വ്യാഴാഴ്ച വൈകീട്ട് കണ്ണൂരില് വിളംബരജാഥ നടത്തി. ജില്ലാ ബാങ്ക് പരിസരത്തുനിന്നാരംഭിച്ച് കാല്ടെക്സ് ജങ്ഷനില് സമാപിച്ചു. സ്പോര്ട്സ് ജോയിന്റ് ഡയറക്ടര് ഡോ. ചാക്കോ ജോസഫ്, ഡിഡിഇ ടി പി നിര്മലാദേവി നേതൃത്വം നല്കി. അഴീക്കോട് ഹയര് സെക്കന്ഡറി സ്കൂള് വിദ്യാര്ഥികള് അവതരിപ്പിച്ച ഫ്ളാഷ് മോബ്, കണ്ണൂര് സ്പോര്ട്സ് സ്കൂള് വിദ്യാര്ഥിനികളുടെ മാര്ച്ച് പാസ്റ്റ് തുടങ്ങിയവ മേളയ്ക്കു മികവേകി.
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT'ഭയത്തോട് കൂടി ഒരു മനുഷ്യനെങ്കിലും രാജ്യത്ത് ജീവിക്കുകയാണെങ്കിൽ അത്...
29 March 2024 6:12 AM GMT