മകന്‍ അമ്മയെ ഹോളോബ്രിക്‌സ് കൊണ്ട് തലയ്ക്കടിച്ചു കൊന്നു

പാലക്കാട്: അട്ടപ്പാടിയില്‍ മകന്‍ അമ്മയെ ഹോളോബ്രിക്‌സ് കൊണ്ട് തലയ്ക്കടിച്ചു കൊന്നു. പുതൂര്‍ പഞ്ചായത്തിലെ അരളിക്കോണം ഊരിലെ രേശി(55)യാണ് മരിച്ചത്. നാട്ടുകാര്‍ പിടികൂടിയ രേശിയുടെ മകന്‍ രഘുവിനെ(38) പോലിസ് കസ്റ്റഡിയിലെടുത്തു. ഇന്ന് പുലര്‍ച്ചെയാണ് സംഭവം. മുറിയില്‍ രഘുവിനെ കാണാതിരുന്ന രേശി പുറത്തിറങ്ങി നോക്കുമ്പോള്‍ ഇരുട്ടില്‍ നിന്ന രഘു ഹോളോബ്രിക്‌സ് കൊണ്ട് തലയ്ക്കടിക്കുകയായിരുന്നു. ബഹളം കേട്ട് ഓടിക്കൂട്ടിയ നാട്ടുകാരാണ് രഘുവിനെ പിടിച്ചുവെച്ചത്. രഘുവും അമ്മയുമായി ഇടയ്ക്കിടയ്ക്ക് പ്രശ്‌നങ്ങളുണ്ടാകാറുണ്ടെന്ന് നാട്ടുകാര്‍ പറഞ്ഞു. മൃതദേഹം ഉടന്‍ അഗളിയിലെ ആശുപത്രിയിലേക്ക് മാറ്റും. രഘുവിന് മാനസിക പ്രശ്‌നങ്ങള്‍ ഉണ്ടെന്ന് പോലിസ് സൂചന നല്‍കി.