രൂപേഷിനെതിരായ കേസില് യുഎപിഎ പുനസ്ഥാപിക്കണമെന്ന ഹരജി പിന്വലിക്കാന് അനുമതി
എന്നാല് ഹരജി പിന്വലിക്കുന്നതിനുള്ള കാരണം കേരളം വ്യക്തമാക്കണമെന്ന് ജസ്റ്റിസ് എം ആര് ഷാ അധ്യക്ഷനായ ബെഞ്ച് കഴിഞ്ഞ ദിവസം നിര്ദേശിച്ചിരുന്നു.
ന്യൂഡല്ഹി: മാവോവാദി നേതാവ് രൂപേഷിന് എതിരായ കേസുകളില് യുഎപിഎ പുനസ്ഥാപിക്കണമെന്ന ഹരജി പിന്വലിക്കാന് അനുവദിക്കണമെന്ന കേരളത്തിന്റെ ആവശ്യം സുപ്രിംകോടതി അംഗീകരിച്ചു. ജസ്റ്റിസ് എം ആര് ഷാ അധ്യക്ഷനായ ബെഞ്ചാണ് കേരളത്തിന്റെ ആവശ്യം അംഗീകരിച്ചത്.
വളയം, കുറ്റ്യാടി പോലിസ് സ്റ്റേഷനുകളില് രജിസ്റ്റര് ചെയ്തിരുന്ന മൂന്ന് കേസുകളില് രൂപേഷിനെതിരായ യുഎപിഎ വകുപ്പുകള് പുനസ്ഥാപിക്കണമെന്ന് ആവശ്യപ്പെട്ടാണ് സംസ്ഥാന സര്ക്കാര് സുപ്രിംകോടതിയെ സമീപിച്ചത്. സംസ്ഥാന സര്ക്കാരിന്റെ ഹരജി പരിഗണിച്ച ജസ്റ്റിസ് എം ആര് ഷാ അധ്യക്ഷനായ ബെഞ്ച് നേരത്തെ രൂപേഷിന് നോട്ടിസ് അയച്ചിരുന്നു. എന്നാല് പിന്നീട് ഹരജി പിന്വലിക്കാന് അനുവദിക്കണമെന്ന് ആവശ്യപ്പെട്ട് സംസ്ഥാന സര്ക്കാര് സുപ്രിംകോടതിയില് അപേക്ഷ നല്കുകയായിരുന്നു.
എന്നാല് ഹരജി പിന്വലിക്കുന്നതിനുള്ള കാരണം കേരളം വ്യക്തമാക്കണമെന്ന് ജസ്റ്റിസ് എം ആര് ഷാ അധ്യക്ഷനായ ബെഞ്ച് കഴിഞ്ഞ ദിവസം നിര്ദേശിച്ചിരുന്നു. ഹരജിയിൽ ഉന്നയിച്ചിരിക്കുന്നത് നിയമപരമായ ചില വിഷയങ്ങളാണെന്നും സമീപകാലത്ത് സുപ്രിംകോടതിയില് നിന്നുണ്ടായ ചില വിധികള് ഇക്കാര്യത്തില് കൃത്യമായ ഉത്തരം നല്കിയിട്ടുണ്ടെന്നും ജയ്ദീപ് ഗുപ്ത കോടതിയെ അറിയിച്ചു.
കോടതി വിധികളിലെ നിലപാടിനോട് കേരളം യോജിക്കുകയാണെന്നും സീനിയര് അഭിഭാഷകന് ജയ്ദീപ് ഗുപ്തയും, സ്റ്റാന്ഡിങ് കോണ്സല് ഹര്ഷദ് വി ഹമീദും കോടതിയെ അറിയിച്ചു. ഇതേതുടര്ന്നാണ് ഹരജി പിന്വലിക്കാന് കേരളത്തിനെ സുപ്രിംകോടതി അനുവദിച്ചത്. ഹരജി പിന്വലിക്കാന് അനുവദിച്ചെങ്കിലും കേസുമായി ബന്ധപ്പെട്ട നിയമപരമായ ചോദ്യങ്ങള് കോടതിയില് പിന്നീട് ഉന്നയിക്കാവുന്നതാണെന്നും ബെഞ്ച് വ്യക്തമാക്കി.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT