പോലിസുകാര് ഔദ്യോഗിക സിംകാര്ഡ് ഉപയോഗിച്ചില്ലെങ്കില് വാടക ഈടാക്കും: മുന്നറിയിപ്പുമായി ഡിജിപി
സര്ക്കാര് പണം നല്കുന്ന ഔദ്യോഗിക സിംകാര്ഡ് ഉപയോഗിക്കാത്ത ഉദ്യോഗസ്ഥര്ക്കെതിരേ വകുപ്പുതല അച്ചടക്ക നടപടി സ്വീകരിക്കാനും നിര്ദേശമുണ്ട്.
തിരുവനന്തപുരം: പോലിസ് ഉദ്യോഗസ്ഥര്ക്ക് അനുവദിച്ച ഔദ്യോഗിക സിംകാര്ഡുകള് ഉപയോഗിച്ചില്ലെങ്കില് വാടക ഈടാക്കുമെന്ന മുന്നറിയിപ്പുമായി ഡിജിപി. സര്ക്കാര് പണം നല്കുന്ന ഔദ്യോഗിക സിംകാര്ഡ് ഉപയോഗിക്കാത്ത ഉദ്യോഗസ്ഥര്ക്കെതിരേ വകുപ്പുതല അച്ചടക്ക നടപടി സ്വീകരിക്കാനും നിര്ദേശമുണ്ട്. പോലിസിന് നല്കിയ ക്ലോസ്ഡ് യൂസര് ഗ്രൂപ്പ് (സിയുജി) സിം കാര്ഡുകളുടെ ഉപയോഗം സംബന്ധിച്ച് സംസ്ഥാന പോലിസ് മേധാവി അനില്കാന്ത് നിര്ദേശങ്ങള് പുറത്തിറക്കി. ഇത്തരം നിര്ദേശങ്ങള് നേരത്തേതന്നെ ഉണ്ടായിരുന്നിട്ടും അവ പാലിക്കപ്പെടാതിരിക്കുന്നതിനാലാണ് മുന്നറിയിപ്പ്.
നിലവില് സിം കാര്ഡ് ഉള്ളവര് മറ്റൊരു ജില്ലയിലേക്ക് മാറിപ്പോയാലും മടക്കിനല്കാത്ത അവസ്ഥയുമുണ്ട്. സിം വാങ്ങി ഉപേക്ഷിച്ചവരുമുണ്ട്. സ്ഥലം മാറിപ്പോവുകയോ ഡെപ്യൂട്ടേഷനില് പോവുകയോ ചെയ്യുന്ന എസ്എച്ച്ഒ, പ്രിന്സിപ്പല് എസ്ഐ, തുടങ്ങിയ ഉദ്യോഗസ്ഥര് പകരം വരുന്ന ഉദ്യോഗസ്ഥന് സിംകാര്ഡ് കൈമാറണം. മറ്റ് ഉദ്യോഗസ്ഥര്ക്ക് അതത് ജില്ലകളില്ത്തന്നെയാണ് സ്ഥലം മാറ്റമെങ്കില് നിലവിലുള്ളത് ഉപയോഗിക്കാം. പോലിസ് സ്റ്റേഷനുകളിലെല്ലാം സിം കാര്ഡ് വിതരണംചെയ്തതിന്റെ രജിസ്റ്റര് സൂക്ഷിക്കണം. വിരമിക്കുന്നവര്ക്ക് പെന്ഷന് ആനുകൂല്യം നല്കുന്നതിന് മുമ്പ് സിം തിരികെ ഏല്പ്പിച്ചിട്ടുണ്ടോയെന്നത് ഉറപ്പുവരുത്തണം.
മിനിസ്റ്റീരിയല് ജീവനക്കാര്ക്ക് ഒരോ തസ്തികയ്ക്കുമാണ് സിയുജി സിംകാര്ഡ് അനുവദിച്ചിരിക്കുന്നത്. അതിനാല് സ്ഥലംമാറുമ്പോള് ആ തസ്തികയില് പകരം വരുന്നയാള്ക്ക് സിംകാര്ഡ് കൈമാറണം. ഇക്കാര്യങ്ങള് ഉറപ്പുവരുത്താന് യൂനിറ്റ് മേധാവികളെയും ചുമതലപ്പെടുത്തി.
RELATED STORIES
ഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT