- Home
- Latest News
- news line
- Districts
- Kerala
- India
- World
- Sports
- Videos+
- Arogyathejas
- Around The Globe
- Bomb Squad
- Charithrapadham
- Cinimayude Varthamanam
- Cut 'n' Right
- Editors Voice
- Hridaya Thejas
- In Focus
- In Quest
- India Scan
- Kalikkalam
- Marupaksham
- NEWS LINE
- Nireekshanam
- Pusthakavicharam
- RAMADAN VICHARAM
- Samantharam
- Shani Dasha
- Swathwa Vicharam
- Vazhivelicham
- VideoNews
- World in Words
- Yathra
- voice over
- Sub Lead
ബലാല്സംഗ കേസ്: എഫ്ബി ലൈവില് ആരോപണം നിഷേധിച്ച് വിജയ് ബാബു
പരാതിക്കാരിയുടെ പേര് ഉള്പ്പെടെ വെളിപ്പെടുത്തിയതിനൊപ്പം തെറ്റ് ചെയ്തിട്ടുണ്ടെങ്കില് മാത്രം പേടിച്ചാല് മതിയെന്നും ഇതില് ഇര ശരിക്കും താനാണെന്നും വിജയ് ബാബു പറഞ്ഞു. തന്റെ കുടുംബവും സ്നേഹിക്കുന്നവരും ദുഖം അനുഭവിക്കുമ്പോള് എതിര് കക്ഷി സുഖമായിരിക്കുകയാണെന്നും വിജയ്ബാബു പറഞ്ഞു.
കൊച്ചി: സിനിമയില് കൂടുതല് അവസരങ്ങള് വാഗ്ദാനം ചെയ്ത് തന്നെ ബലാല്സംഗത്തിനിരയാക്കിയെന്ന യുവതിയുടെ ആരോപണം നിഷേധിച്ച് നടനും നിര്മ്മാതാവുമായ വിജയ് ബാബു. കോഴിക്കോട് സ്വദേശിനിയായ യുവതിയുടെ പരാതിയില് എറണാകുളം സൗത്ത് പോലിസാണ് വിജയ് ബാബുവിനെതിരേ ബലാത്സംഗ കുറ്റം ചുമത്തി കേസെടുത്തത്. സിനിമയില് കൂടുതല് അവസരങ്ങള് വാഗ്ദാനം ചെയ്ത് പ്രലോഭിപ്പിച്ച് എറണാകുളത്തെ ഫ്ലാറ്റില് വെച്ച് നിരവധി തവണ ബലാത്സംഗം ചെയ്തെന്നാണ് വിജയ് ബാബുവിനെതിരായ പരാതി.
ഈ മാസം 22നാണ് യുവതി വിജയ് ബാബുവിനെതിരേ പരാതിയുമായി യുവതി പോലിസിനെ സമീപിച്ചത്. തുടര്ന്ന് പോലിസ് കേസെടുത്തതിനു പിന്നാലെയാണ് ഫേസ്ബുക്ക് ലൈവിലൂടെ ആരോപണങ്ങള് നിഷേധിച്ച് വിജയ് ബാബു മുന്നോട്ട് വന്നത്. പരാതിക്കാരിയുടെ പേര് ഉള്പ്പെടെ വെളിപ്പെടുത്തിയതിനൊപ്പം തെറ്റ് ചെയ്തിട്ടുണ്ടെങ്കില് മാത്രം പേടിച്ചാല് മതിയെന്നും ഇതില് ഇര ശരിക്കും താനാണെന്നും വിജയ് ബാബു പറഞ്ഞു. തന്റെ കുടുംബവും സ്നേഹിക്കുന്നവരും ദുഖം അനുഭവിക്കുമ്പോള് എതിര് കക്ഷി സുഖമായിരിക്കുകയാണെന്നും വിജയ്ബാബു പറഞ്ഞു.
2018 മുതല് ഈ കുട്ടിയെ അറിയാം. അഞ്ച് വര്ഷത്തെ പരിചയത്തില് ആ കുട്ടിയുമായി ഒന്നും ഉണ്ടായിട്ടില്ല. തന്റെ സിനിമയില് കൃത്യമായി ഓഡിഷന് ചെയ്ത് അഭിനയിക്കുകയാണ് ചെയ്തത്. മാര്ച്ച് മുതല് പരാതിക്കാരി അയച്ച സന്ദേശങ്ങളും 400ഓളം സ്ക്രീന് ഷോട്ടുകളും തന്റെ കൈവശമുണ്ട്. ഒന്നര വര്ഷത്തോളം ആ കുട്ടിക്ക് ഒരു മെസേജും അയച്ചിട്ടില്ല. തനിക്ക് ഡിപ്രഷനാണെന്ന് പറഞ്ഞ് ഇങ്ങോട്ട് വരികയായിരുന്നു. ഈ കേസില് മറ്റൊരു ഇരയെ ഉണ്ടാക്കി സുഖിച്ച് ജീവിക്കേണ്ടെന്നും തന്നെ അപകീര്ത്തിപ്പെടുത്തിയതിന് കേസ് നല്കുമെന്നും വിജയ് ബാബു ലൈവില് പറഞ്ഞു.
അതേസമയം, വിജയ് ബാബുവിനെ ചോദ്യം ചെയ്യാന് പോലിസിന് ഇതുവരെ കഴിഞ്ഞിട്ടില്ലെന്നാണ് വ്യക്തമാകുന്നത്. ബലാത്സംഗം, ഗുരുതരമായി പരിക്കേല്പ്പിക്കല് തുടങ്ങിയ കുറ്റങ്ങള്ക്കുള്ള വകുപ്പുകള് ചുമത്തിയാണ് വിജയ് ബാബുവിനെതിരേ കേസെടുത്തത്. കേസിന്റെ വിശദാംശങ്ങള് ഇതുവരെ പോലിസ് പുറത്തുവിട്ടിട്ടില്ല.
ഫ്രൈഡേ ഫിലിം ഹൗസ് എന്ന നിര്മ്മാണ കമ്പനിയിലൂടെ ജനപ്രിയ സിനിമകള് നിര്മ്മിച്ചാണ് വിജയ് ബാബു മലയാളി പ്രേക്ഷകരുടെ മനസില് ഇടംനേടിയത്. നടനായി നിരവധി സിനിമകളില് വേഷമിട്ടിരുന്നു. ഫിലിപ് ആന്റ് ദി മങ്കി പെന്, പെരുച്ചാഴി, ആട്, ആട് 2, മുദ്ദുഗൗ, ഹോം, സൂഫിയും സുജാതയും തുടങ്ങിയ സിനിമകളുടെ നിര്മ്മാതാവാണ്. 1983ല് സൂര്യന് എന്ന ചിത്രത്തില് ബാലതാരമായാണ് ഇദ്ദേഹം സിനിമാ രംഗത്തേക്ക് കടന്നുവന്നത്.
RELATED STORIES
ഹിസ്ബുല്ല നേതാവ് ഹാഷിം സഫിയുദ്ദീന് കൊല്ലപ്പെട്ടെന്ന് ഇസ്രായേല്
23 Oct 2024 3:39 AM GMTഹിസ്ബുല്ല ഇന്നലെ മാത്രം തകര്ത്തത് അഞ്ച് മെര്ക്കാവ ടാങ്കുകള്; അഞ്ച്...
23 Oct 2024 3:22 AM GMTവയനാട് ഉപതിരഞ്ഞെടുപ്പില് സ്ത്രീ സുരക്ഷ ചര്ച്ചയാവണം: വിമന് ഇന്ത്യ...
22 Oct 2024 6:33 PM GMTപാലക്കാട് കാറും ലോറിയും കൂട്ടിയിടിച്ച് അഞ്ച് മരണം
22 Oct 2024 6:25 PM GMTതെല് അവീവിലെ സൈനിക കേന്ദ്രത്തിന് നേരെ ഹൂത്തി ആക്രമണം
22 Oct 2024 5:01 PM GMTഹേമാ കമ്മിറ്റി റിപോര്ട്ട്: കേസെടുക്കണമെന്ന ഹൈക്കോടതി ഉത്തരവിനെതിരേ...
22 Oct 2024 4:39 PM GMT