ഗര്ഭിണിയായ ആന ചരിഞ്ഞ സംഭവത്തില് കര്ഷകന് അറസ്റ്റില്
ഓടക്കാലി സ്വദേശി വില്സണാണ് അറസ്റ്റിലായത്. അമ്പലപ്പാറ മേഖലയില് കൃഷി ചെയ്യുന്നയാളാണ് ഇദ്ദേഹം.
പാലക്കാട്: അമ്പലപ്പാറ വനമേഖലയില് കാട്ടാന ദുരൂഹസാഹചര്യത്തില് ചരിഞ്ഞ സംഭവത്തില് ഒരാളെ പോലിസ് അറസ്റ്റ് ചെയ്തു. മലപ്പുറം ഓടക്കാലി സ്വദേശി വില്സണാണ് അറസ്റ്റിലായത്. അമ്പലപ്പാറ മേഖലയില് കൃഷി ചെയ്യുന്നയാളാണ് ഇദ്ദേഹം.
വീര്യംകുറഞ്ഞ സ്ഫോടക വസ്തു പൊട്ടിത്തെറിച്ച് കാട്ടാനയ്ക്കുണ്ടായ മുറിവിന് രണ്ടാഴ്ചയിലേറെ പഴക്കുമുണ്ടെന്നാണ് നിഗമനം. സൈലന്റ് വാലി ബഫര് സോണിനോട് ചേര്ന്നുകിടക്കുന്ന തോട്ടങ്ങളില് കാട്ടാനയുള്പ്പെടെയുളള വന്യ മൃഗങ്ങളുടെ ശല്യം രൂക്ഷമെന്ന് പരാതിയുണ്ടായിരുന്നു. ഇവയെ അകറ്റാന് വീര്യംകുറഞ്ഞ സ്ഫോടക വസ്തുക്കള് ഭക്ഷണത്തില് പൊതിഞ്ഞ് വയ്ക്കുന്ന പതിവുമുണ്ട്. ഇത്തരത്തിലാണ് അമ്പലപ്പാറയിലെത്തിയ ആനയ്ക്കും പരിക്കേറ്റതെന്ന നിഗമത്തിലാണ് സംയുക്ത അന്വേഷണ സംഘം.
പരിക്കേറ്റ ആന ദിവസങ്ങളോളം ജനവാസ മേഖലയിലുള്പ്പെടെ നിലയുറപ്പിച്ചിട്ടും മതിയായ ചികിത്സ നല്കുന്നതിന് വനംവകുപ്പ് മുന്കൈ എടുത്തില്ലെന്ന ആരോപണം ശക്തമാണ്. നിരവധി തവണ പരാതിപ്പെട്ടിട്ടും ആനയെ കാട്ടിലേക്ക് തിരിച്ചയക്കാന് മാത്രമാണ് വനപാലകര് ശ്രമിച്ചതെന്ന് നാട്ടുകാര് ആരോപിക്കുന്നു. എന്നാല് ആരോപണത്തില് കഴമ്പില്ലെന്നും മൃഗഡോക്ടറുടെയടക്കം സേവനം തേടിയിരുന്നെന്നുമാണ് വനംവകുപ്പ് വിശദീകരണം.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT