നട്ടെല്ലില്ലാത്ത, ഹൃദയമില്ലാത്ത സര്ക്കാര് സെലിബ്രിറ്റികള്; റിഹാനയെ വിമര്ശിച്ച സച്ചിനെ പരിഹസിച്ച് പ്രശാന്ത് ഭൂഷണ്
. കര്ഷകര് സമരം ചെയ്യുമ്പോഴും ബിജെപിക്കാര് അവര്ക്ക് നേരെ കല്ലെറിഞ്ഞപ്പോഴും മിണ്ടാതിരുന്നവര് റിഹാനയും ഗ്രേറ്റയും സംസാരിക്കാന് തുടങ്ങിയപ്പോള് മിണ്ടി തുടങ്ങിയെന്ന് പ്രശാന്ത് ഭൂഷണ് പറഞ്ഞു.
ന്യൂഡല്ഹി: കേന്ദ്രസര്ക്കാരിന്റെ വിവാദ കാര്ഷിക നിയമങ്ങള്ക്കെതിരേ പ്രക്ഷോഭക രംഗത്തുള്ള കര്ഷകരെ പിന്തുണച്ച പോപ് ഗായിക റിഹാനയെ വിമര്ശിച്ച് രംഗത്തെത്തിയ സച്ചിന് ടെന്ഡുല്ക്കറെ പരിഹസിച്ച് മുതിര്ന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷണ്. കര്ഷകര് സമരം ചെയ്യുമ്പോഴും ബിജെപിക്കാര് അവര്ക്ക് നേരെ കല്ലെറിഞ്ഞപ്പോഴും മിണ്ടാതിരുന്നവര് റിഹാനയും ഗ്രേറ്റയും സംസാരിക്കാന് തുടങ്ങിയപ്പോള് മിണ്ടി തുടങ്ങിയെന്ന് പ്രശാന്ത് ഭൂഷണ് പറഞ്ഞു.
' വമ്പന്മാരായ ഇന്ത്യന് സെലിബ്രിറ്റികളായ ഇവരെല്ലാം കര്ഷകര് സമരം ചെയ്തപ്പോഴും, അവര്ക്ക് വൈദ്യുതി ഇല്ലാതാക്കിയപ്പോഴും, ഇന്റര്നെറ്റ് വിച്ഛേദിച്ചപ്പോഴും, ബിജെപിക്കാര് അവര്ക്ക് നേരെ കല്ലെറിഞ്ഞപ്പോഴും മിണ്ടാതിരിക്കുകയായിരുന്നു. റിഹാനയും ഗ്രേറ്റയും മിണ്ടിതുടങ്ങിയപ്പോള് അവരും സംസാരിക്കുന്നു. നട്ടെല്ലില്ലാത്ത, ഹൃദയമില്ലാത്ത സര്ക്കാര് സെലിബ്രിറ്റികള്', പ്രശാന്ത് ഭൂഷണ് ട്വീറ്റ് ചെയ്തു.
രാജ്യത്തെ ജനങ്ങള്ക്ക് ഇന്ത്യയെന്താണെന്ന് അറിയാമെന്നും പുറമേ നിന്നുള്ളവരുടെ അഭിപ്രായപ്രകടനം നിയന്ത്രിക്കണമെന്നുമായിരുന്നു സച്ചിന് റിഹാനക്കെതിരേ ട്വീറ്റ് ചെയ്തത്.'ഇന്ത്യയുടെ പരമാധികാരം ആര്ക്കുമുന്നിലും വിട്ടുവീഴ്ച ചെയ്യപ്പെടില്ല. പുറത്തുനിന്നുള്ളവര്ക്ക് കാഴ്ചക്കാരാകം. രാജ്യത്തിന്റെ പ്രതിനിധികളാകാന് ശ്രമിക്കരുത്. ഇന്ത്യയെന്താണെന്ന് രാജ്യത്തെ ജനങ്ങള്ക്ക് നന്നായി അറിയാം', എന്നായിരുന്നു സച്ചിന് ട്വിറ്റ് ചെയ്തത്.
കേന്ദ്രം പാസാക്കിയ കാര്ഷിക നിയമങ്ങള്ക്കെതിരെ രണ്ടുമാസത്തിലേറെയായി സമരം ചെയ്യുന്ന കര്ഷകരെ പിന്തുണച്ചുകൊണ്ട് പോപ് ഗായിക റിഹാന കഴിഞ്ഞ ദിവസം ട്വീറ്റ് ചെയ്തിരുന്നു. ഇത് വലിയ രീതിയില് ചര്ച്ചയാകുകയും ചെയ്തതോടെ നിരവധി പേര് റിഹാനയെ പിന്തുണച്ചും വിമര്ശിച്ചും രംഗത്തെത്തിയിരുന്നു.
All these Indian big shot celebs remained mute when protesting farmers were being walled in,their electricity, water&internet cut off& BJP goons brought in to stone them;
— Prashant Bhushan (@pbhushan1) February 3, 2021
They suddenly unmuted themselves when @rihanna& @GretaThunberg spoke out!
Spineless,heartless sarkari celebs! https://t.co/VBzHZm5kWQ
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT