വൈദ്യുതി നിയന്ത്രണം പിന്‍വലിച്ചു

ഇടുക്കി: ഇടുക്കി മൂലമറ്റം ജനറേറ്റിംഗ് സ്‌റ്റേഷനിലെ 6 ജനറേറ്ററുകളുടെ പ്രവര്‍ത്തനം നിര്‍ത്തിവെച്ചതിനെ തുടര്‍ന്ന് ഏര്‍പ്പെടുത്തിയ വൈദ്യുതി നിയന്ത്രണം പൂര്‍ണമായും പിന്‍വലിച്ചു. പുറത്തുനിന്നും 400 മെഗാവാട്ട് വൈദ്യുതി കിട്ടി തുടങ്ങിയതിനാലാണ് നിയന്ത്രണം പിന്‍വലിച്ചത്.

മൂലമറ്റത്തെ 6 ജനറേറ്ററുകള്‍ പ്രവര്‍ത്തന രഹിതമായതു മൂലം രാത്രി 7.30 മുതല്‍ വൈദ്യുതി നിയന്ത്രണം ഏര്‍പ്പെടുത്തിയിരുന്നെങ്കിലും 9 മണിയോടെ പൂര്‍ണമായും പിന്‍വലിക്കുകയായിരുന്നു.

സാങ്കേതിക തടസ്സത്തെ തുടര്‍ന്നാണ് മൂലമറ്റത്തെ ജനറേറ്റുകളുടെ പ്രവര്‍ത്തനം നിലച്ചത്. വൈദ്യുതി ഉല്‍പാദനത്തില്‍ 300 മെഗാവാട്ട് കുറവാണ് സംസ്ഥാനത്ത് ആ സമയം അനുഭവപ്പെട്ടത്.

ഇതര സംസ്ഥാന ജനറേറ്റുകളില്‍ നിന്നും വൈദ്യുതി എത്തിച്ചാണ് പ്രതിസന്ധി പരിഹരിച്ചത്.