പാലക്കാട്ട് പോലിസ് ഉദ്യോഗസ്ഥന്‍ തൂങ്ങിമരിച്ച നിലയില്‍

പാലക്കാട്: പാലക്കാട്ട് പോലിസ് ഉദ്യോഗസ്ഥന്‍ തൂങ്ങിമരിച്ച നിലയില്‍ കണ്ടെത്തി. ശ്രീകൃഷ്ണപുരം പോലിസ് സ്‌റ്റേഷനിലെ സിവില്‍ പോലിസ് ഓഫിസര്‍ മുണ്ടൂര്‍ സ്വദേശി കയ്യറ മുണ്ടൂര്‍ ആറുമുഖന്റെ മകന്‍ സുമേഷി(40)നെയാണ് തൂങ്ങിമരിച്ച നിലയില്‍ കണ്ടെത്തിയത്. വിഷാദ രോഗ ബാധിതനായിരുന്നുവെന്നും കഴിഞ്ഞ 17 മുതല്‍ അവധിയിലായിരുന്നു എന്നുമാണ് സഹപ്രവര്‍ത്തകര്‍ പറയുന്നത്. ഹേമാംബിക നഗര്‍ പോലിസ് സ്‌റ്റേഷന്‍ പരിധിയില്‍ ധോണി എസ്‌നഗറിലെ സുമേഷിന്റെ ഉടമസ്ഥതയിലുള്ള അരിമണി എസ്‌റ്റേറ്റ് ഷെഡിലാണ് മരിച്ച നിലയില്‍ കണ്ടെത്തിയത്. മൂന്നുവര്‍ഷമായി ശ്രീകൃഷ്ണപുരം സ്‌റ്റേഷനില്‍ സേവനമനുഷ്ടിച്ച് വരികയാണ്. ഭാര്യ: അഞ്ജലി. മകള്‍: ഹിയ. മൃതദേഹം പോസ്റ്റ്‌മോര്‍ട്ടത്തിനായി പാലക്കാട് ജില്ല ആശുപത്രിയിലേക്ക് മാറ്റി.