മദ്രാസ് ഹൈക്കോടതി മുന് ചീഫ് ജസ്റ്റിസ് വിജയ താഹില്രമാനിക്കെതിരെ സിബിഐ അന്വേഷണം
തമിഴ്നാട്ടിലെ വിഗ്രഹമോഷണക്കേസുകള് പരിഗണിക്കാന് രൂപീകരിച്ച പ്രത്യേക ബഞ്ച് പിരിച്ചുവിടാന് ജസ്റ്റിസ് താഹില്രമാനി തീരുമാനിച്ചിരുന്നു. ഇത് തമിഴ്നാട്ടിലെ ഒരു മന്ത്രിയുടെ സ്വാധീനം മൂലമാണെന്നും ഇതില് നിന്ന് ജസ്റ്റിസിന് കോഴപ്പണം കിട്ടിയെന്നാണ് സൂചനയെന്നുമാണ് ഇന്റലിജന്സ് ബ്യൂറോ സിബിഐയ്ക്ക് റിപ്പോര്ട്ട് നല്കിയിരിക്കുന്നത്.
ന്യൂഡല്ഹി: മദ്രാസ് ഹൈക്കോടതി മുന് ചീഫ് ജസ്റ്റിസ് വിജയാ താഹില്രമാനിക്കെതിരെ സിബിഐ അന്വേഷണം നടത്താന് ചീഫ് ജസ്റ്റിസ് രഞ്ജന് ഗൊഗോയ് അനുമതി നല്കി. 3.18 കോടി രൂപ ചെലവിട്ട് ചെന്നൈയില് പുതിയ രണ്ട് ഫ്ലാറ്റുകള് വാങ്ങിയതിനുള്ള പണം താഹില്രമാനി സമ്പാദിച്ചതില് ക്രമക്കേടുകളുണ്ടെന്ന ഇന്റലിജന്സ് ബ്യൂറോ റിപ്പോര്ട്ട് അടിസ്ഥാനപ്പെടുത്തിയാണ് നടപടി.
ചെന്നൈയുടെ പ്രാന്തപ്രദേശങ്ങളായ സെമ്മഞ്ചേരി, തിരുവിടന്തൈ എന്നിവിടങ്ങളില് പുതുതായി പണികഴിപ്പിച്ച രണ്ട് ഫ്ലാറ്റുകളാണ് ജസ്റ്റിസ് താഹില്രമാനി വാങ്ങിയത്. ഇതിനായി ആകെ 3.18 കോടി രൂപ ചെലവായി. ഇതില് 1.56 കോടി രൂപ എച്ച്ഡിഎഫ്സി ലോണ് വഴിയാണ് സമാഹരിച്ചത്. ബാക്കി 1.56 കോടി രൂപ സ്വന്തം പണമായാണ് കാണിച്ചിരിക്കുന്നത്. ഇത് എവിടെ നിന്ന് വന്നു എന്നതാകും സിബിഐ അന്വേഷിക്കുക.
തമിഴ്നാട്ടിലെ വിഗ്രഹമോഷണക്കേസുകള് പരിഗണിക്കാന് രൂപീകരിച്ച പ്രത്യേക ബഞ്ച് പിരിച്ചുവിടാന് ജസ്റ്റിസ് താഹില്രമാനി തീരുമാനിച്ചിരുന്നു. ഇത് തമിഴ്നാട്ടിലെ ഒരു മന്ത്രിയുടെ സ്വാധീനം മൂലമാണെന്നും ഇതില് നിന്ന് ജസ്റ്റിസിന് കോഴപ്പണം കിട്ടിയെന്നാണ് സൂചനയെന്നുമാണ് ഇന്റലിജന്സ് ബ്യൂറോ സിബിഐയ്ക്ക് റിപ്പോര്ട്ട് നല്കിയിരിക്കുന്നത്.
അഞ്ച് പേജുള്ള റിപ്പോര്ട്ടാണ് ജസ്റ്റിസ് താഹില്രമാനിയ്ക്ക് എതിരെ ഐബി നല്കിയിരിക്കുന്നത്. തന്നെ മേഘാലയയിലേക്ക് സ്ഥലം മാറ്റിയതില് പ്രതിഷേധിച്ച് ജസ്റ്റിസ് താഹില്രമാനി രാജി വച്ചതിന് ശേഷമാണ് ഐബി റിപ്പോര്ട്ട് നല്കിയത്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT