ഓക്സിജൻ ലഭ്യമല്ല; ബന്ധുവിന് വേണ്ടി സഹായം അഭ്യർത്ഥിച്ച് റാണ അയ്യൂബ്

ന്യൂഡൽഹി: യുപിയിൽ കൊവിഡ് ബാധിച്ചു ചികിത്സയിൽ കഴിയുന്ന അമ്മാവന് വേണ്ടി സഹായം അഭ്യർത്ഥിച്ച് മാധ്യമ പ്രവർത്തക റാണാ അയ്യൂബ്. തന്റെ മാതാവിന്റെ സഹോദരൻ കൊവിഡ് ബാധിച്ചു ഗുരുതരാവസ്ഥയിൽ ആണെന്ന് ഓക്സിജൻ നില താഴ്ന്നു കൊണ്ടിരിക്കുകയാണെന്നും റാണാ അയ്യൂബ് ട്വീറ്റ് ചെയ്തു. യൂപിയിലെ അസംഗഡിൽ ഓക്സിജൻ സൗകര്യത്തോട് കൂടിയ ആശുപത്രി ബെഡ് ലഭ്യമല്ലെന്നും അവർ അറിയിച്ചു. യൂപിയിൽ ഓക്സിജൻ ക്ഷാമം ഇല്ലെന്ന് മുഖ്യമന്ത്രി യോഗി ആവർത്തിക്കുന്നതിനിടെയാണ് സ്വന്തം അവസ്ഥ ചൂണ്ടിക്കാട്ടി റാണാ അയ്യൂബ് ട്വീറ്റ് ചെയ്തത്.