മൂന്നു വര്‍ഷത്തിനിടെ ഗള്‍ഫില്‍ മരണപ്പെട്ടത് 20,403 പ്രവാസികള്‍

ആറ് അറബ് രാഷ്ട്രങ്ങളിലെ കണക്കാണ് വിദേശകാര്യമന്ത്രാലയം പുറത്തുവിട്ടത്. ഏറ്റവും അധികം മരണം രേഖപ്പെടുത്തിയിരിക്കുന്നത് സൗദിയിലാണ് 9,057.

മൂന്നു വര്‍ഷത്തിനിടെ ഗള്‍ഫില്‍ മരണപ്പെട്ടത് 20,403 പ്രവാസികള്‍

ന്യൂഡല്‍ഹി: കഴിഞ്ഞ മൂന്ന് വര്‍ഷത്തിനിടെ ഗള്‍ഫ് നാടുകളില്‍ 20,403 ഇന്ത്യക്കാര്‍ മരണപ്പെട്ടതായി കണക്കുകള്‍. ബഹറിന്‍, കുവൈത്ത്, ഒമാന്‍, ഖത്തര്‍, സൗദി അറേബ്യ, യുഎഇ എന്നീ ആറ് അറബ് രാഷ്ട്രങ്ങളിലെ കണക്കാണ് വിദേശകാര്യമന്ത്രാലയം പുറത്തുവിട്ടത്. ഏറ്റവും അധികം മരണം രേഖപ്പെടുത്തിയിരിക്കുന്നത് സൗദിയിലാണ് 9,057.

126 വിദേശ രാഷ്ട്രങ്ങളിലായി കഴിഞ്ഞ മൂന്നു വര്‍ഷത്തിനിടെ 28,794 ഇന്ത്യക്കാരാണ് മരണപ്പെട്ടത്. ഇതില്‍ 20,403 പേരും ഈ ആറ് രാജ്യങ്ങളില്‍ വെച്ചാണ് മരണപ്പെട്ടിട്ടുള്ളത്. അതായത് 71 ശതമാനവും മരണവും നടന്നിരിക്കുന്നത് ഗള്‍ഫ് രാജ്യങ്ങളില്‍ വെച്ചാണ്. 2016-19 വര്‍ഷം മരണപ്പെട്ട ഇന്ത്യക്കാരുടെ കണക്കാണ് പുറത്തുവന്നിരിക്കുന്നത്. ലോക്‌സഭയില്‍ വിദേശകാര്യ സഹമന്ത്രി വി മുരളീധരനാണ് കണക്ക് അവതരിപ്പിച്ചത്.

RELATED STORIES

Share it
Top