രാജ്യത്ത് വധശിക്ഷയ്ക്ക് വിധിക്കപ്പെടുന്നവരുടെ എണ്ണത്തില്‍ 21 ശതമാനം വര്‍ധന

ന്യൂഡല്‍ഹി: രാജ്യത്ത് വധശിക്ഷയ്ക്ക് വിധിക്കപ്പെടുന്ന തടവുകാരുടെ എണ്ണത്തില്‍ ഇരുപത്തൊന്ന് ശതമാനം വര്‍ധനയെന്ന് പഠന റിപോര്‍ട്ട്. 2021 അവസാന മാസംവരെയുള്ള കണക്കുകള്‍ പ്രകാരം വധശിക്ഷയ്ക്ക് വിധിക്കപ്പെട്ട തടവുകാരുടെ എണ്ണം 488 ആണ്. ഇത് 17 വര്‍ഷത്തിനിടയിലെ ഏറ്റവും ഉയര്‍ന്ന നിരക്കാണെന്നും റിപോര്‍ട്ട് പറയുന്നു.

'2016 മുതല്‍ കഴിഞ്ഞ വര്‍ഷം അവസാന മാസം വരെ വധശിക്ഷയ്ക്ക് വിധിക്കപ്പെട്ടവരുടെ എണ്ണം 488 ആണ്. 2020ല്‍ നിന്ന് ഏകദേശം 21% വര്‍ധനവാണ് ഉണ്ടായിരിക്കുന്നത്. നാഷണല്‍ െ്രെകം റെക്കോര്‍ഡ്‌സ് ബ്യൂറോ പുറത്തുവിട്ട പ്രിസണ്‍ സ്റ്റാറ്റിസ്റ്റിക്‌സ് ഓഫ് ഇന്ത്യ റിപോര്‍ട്ടിലാണ് ഇക്കാര്യം പറഞ്ഞിരിക്കുന്നത്.2004 ന് ശേഷമുള്ള ഏറ്റവും ഉയര്‍ന്ന മരണനിരക്ക് ജനസംഖ്യയാണ് ഇത്.

പ്രൊജക്ട് 39 എ പ്രകാരം വധശിക്ഷയെക്കുറിച്ചുള്ള വാര്‍ഷിക സ്ഥിതിവിവരക്കണക്കുകളുടെ റിപോര്‍ട്ട് തിങ്കളാഴ്ച പുറത്തിറങ്ങുമെന്ന് പ്രതീക്ഷിക്കുന്നു. ഡല്‍ഹിയിലെ നാഷണല്‍ ലോ യൂനിവേഴ്‌സിറ്റിയിലെ ഒരു ക്രിമിനല്‍ നിയമ പരിഷ്‌കരണ അഡ്വക്കസി ഗ്രൂപ്പാണ് പ്രൊജക്റ്റ് 39 എ.

പകര്‍ച്ചവ്യാധി കാരണം കോടതികളുടെ പരിമിതമായ പ്രവര്‍ത്തനമാണ് വധശിക്ഷയുമായി ബന്ധപ്പെട്ട കേസുകള്‍ക്ക് നല്‍കുന്ന മുന്‍ഗണനയെ ബാധിച്ചതെന്ന് റിപോര്‍ട്ട് സൂചിപ്പിക്കുന്നു. '2020 ലും 2021 ലും അപ്പീല്‍ കോടതികളുടെ പരിമിതമായ പ്രവര്‍ത്തനം കാരണം വധശിക്ഷയ്ക്ക് വിധിക്കപ്പെട്ട തടവുകാരുടെ അപ്പീലുകള്‍ പരിഗണിക്കുന്നത് കുറഞ്ഞു.

2021ല്‍ വിചാരണക്കോടതികള്‍ മൊത്തം 144 വധശിക്ഷകള്‍ വിധിച്ചപ്പോള്‍, അതേ കാലയളവില്‍ ഹൈക്കോടതികള്‍ 39 വിഷയങ്ങളില്‍ മാത്രമാണ് തീരുമാനമെടുത്തതെന്ന് റിപോര്‍ട്ട് പറയുന്നു. 2020 ല്‍, വധശിക്ഷയുമായി ബന്ധപ്പെട്ട 31 വിഷയങ്ങള്‍ ഹൈക്കോടതികള്‍ തീര്‍പ്പാക്കി. 2019 ല്‍ ഇത് 76 ആയിരുന്നു. കഴിഞ്ഞ വര്‍ഷം സെപ്തംബറില്‍ വധശിക്ഷയ്ക്ക് മുന്‍ഗണന നല്‍കിക്കൊണ്ട് സുപ്രിംകോടതി 6 കേസുകള്‍ മാത്രമാണ് തീര്‍പ്പാക്കിയത്. എന്നാല്‍ 2020 ല്‍ 11 കേസുകളും 2019 ല്‍ 28 കേസുകളുമായിരുന്നു സുപ്രിംകോടതി തീര്‍പ്പാക്കിയത്.

ഹൈക്കോടതികള്‍ വിധിച്ച വധശിക്ഷ ഉള്‍പ്പടെയുള്ള 39 കേസുകളില്‍ നാലെണ്ണം മാത്രമാണ് സുപ്രിംകോടതി വധശിക്ഷ ശരിവെച്ചതെന്ന് റിപോര്‍ട്ട് പറയുന്നു. 18 പേരെ ജീവപര്യന്തമായും, 15 പേരെ എല്ലാ കുറ്റങ്ങളില്‍ നിന്നും വിട്ടയച്ചപ്പോള്‍, രണ്ട് കേസുകള്‍ വിചാരണ കോടതിയിലേക്ക് തിരികെ അയച്ചു. വിചാരണ കോടതികള്‍ വധശിക്ഷ വിധിച്ച കേസുകളില്‍ ഭൂരിഭാഗവും കൊലപാതകം ഉള്‍പ്പെട്ടിരുന്നുവെന്നും ലൈംഗിക കുറ്റകൃത്യങ്ങള്‍ക്ക് വധശിക്ഷ നല്‍കുന്ന പ്രവണത വര്‍ധിച്ചുവരുന്നുണ്ടെന്നും റിപോര്‍ട്ട് ചൂണ്ടിക്കാണിക്കുന്നു.