ദിവസം മൂന്നു മണിക്കൂര്‍ പോലും വൈദ്യുതിയില്ലെന്ന് ജനങ്ങള്‍: ജയ് ശ്രീറാം, ജയ് ബജ്‌റങ് ബലി എന്ന് മറുപടി നല്‍കി യുപി വൈദ്യുതി മന്ത്രി (VIDEO)

ലഖ്‌നോ: ദിവസം മൂന്നു മണിക്കൂര്‍ പോലും വൈദ്യുതിയില്ലെന്ന് പരാതി പറഞ്ഞ ജനങ്ങള്‍ക്ക് ജയ് ശ്രീറാം, ജയ് ബജ്‌റങ് ബലി എന്ന് മറുപടി നല്‍കി ഉത്തര്‍പ്രദേശ് വൈദ്യുതി മന്ത്രി അരവിന്ദ് കുമാര്‍ ശര്‍മ. ബുധനാഴ്ച്ച സുരാപൂര്‍ നഗരത്തിലാണ് മന്ത്രി ഈ മുദ്രാവാക്യം മുഴക്കിയതെന്ന് റിപോര്‍ട്ടുകള്‍ പറയുന്നു. നഗരത്തിലെ വ്യാപാരികളാണ് വൈദ്യുതി ഇല്ലാത്ത കാര്യം പറഞ്ഞ് പരാതി നല്‍കിയത്. പരാതികള്‍ കേള്‍ക്കാന്‍ പോലും നില്‍ക്കാതെയാണ് മുദ്രാവാക്യം മുഴക്കി മന്ത്രി സ്ഥലം വിട്ടത്.

People: The entire market is fed up. We are only getting 3 hours of electricity in the entire day.

UP power minister: *raises both hands* Jai Shri Ram, Jai Bajrag Bali pic.twitter.com/7A81Js1PKx

— Piyush Rai (@Benarasiyaa) July 10, 2025

മന്ത്രിയുടെ പരാമര്‍ശങ്ങളുടെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. രാജ്യം നേരിടുന്ന പ്രശ്‌നങ്ങള്‍ക്ക് ബിജെപിയുടെ പരിഹാരം ഇതാണെന്ന് നിരവധി പേര്‍ ചൂണ്ടിക്കാട്ടുന്നു.