യുഎഇയില്‍ നബിദിനത്തിലും ഇസ്‌റാഅ്-മിഅ്‌റാജ് ദിനത്തിലും അവധിയില്ല

ദുബയ്: ഇസ്‌റാഅ്-മിഅ്‌റാജ് ദിനത്തിലും നബിദിനത്തിലും യുഎഇയില്‍ അവധിയില്ല. രണ്ട് പെരുന്നാളുകള്‍ക്കും കൂടുതല്‍ ദിവസങ്ങള്‍ പൊതു അവധി പ്രഖ്യാപിച്ച യുഎഇ അധികൃതര്‍ മൊത്തം പൊതു അവധികള്‍ 14 ദിവസമായി നിജപ്പെടുത്തുകയായിരുന്നു. സ്വകാര്യ-പൊതുമേഖലകള്‍ക്ക് തീരുമാനം ബാധകമാണെന്നും അധികൃതര്‍ അറിയിച്ചു. കഴിഞ്ഞ വര്‍ഷം വരേ ഇസ്‌റാഅ്-മിഅ്‌റാജ്(റജബ്-27), നബിദിനം(റബീഉല്‍ അവ്വല്‍-12) ദിവസങ്ങളില്‍ യുഎഇയില്‍ അവധി നല്‍കിയിരുന്നു.

അതേസമയം, പെരുന്നാളിന്റെ അവധി വര്‍ദ്ധിപ്പിച്ചിട്ടുണ്ട്. റമദാന്‍ 29 മുതല്‍ ശവ്വാല്‍ മൂന്ന് വരേയാണ് ചെറിയ പെരുന്നാള്‍ അവധി. ഇതോടെ, റമദാന്‍ 30 പൂര്‍ത്തിയായാല്‍ അഞ്ച് ദിവസം അവധി ലഭിക്കും. വലിയ പെരുന്നാളിന് മൂന്ന് ദിവസമാണ് അവധി.

യുഎഇയിലെ പൊതു അവധി ദിനങ്ങള്‍