നാല് സീറ്റ് നല്‍കിയിട്ടും വഴങ്ങിയില്ല; എഎപിയുമായി സഖ്യമില്ലെന്ന് കോണ്‍ഗ്രസ്

ന്യൂഡല്‍ഹി: ലോക്‌സഭാ തിരഞ്ഞെടുപ്പില്‍ ഡല്‍ഹിയില്‍ ആം ആദ്മി പാര്‍ട്ടി-കോണ്‍ഗ്രസ് സഖ്യമില്ല. ഡല്‍ഹിയിലെ ഏഴ് മണ്ഡലങ്ങളിലേക്കുമുള്ള കോണ്‍ഗ്രസ് സ്ഥാനാര്‍ഥികളെ ഉടന്‍ പ്രഖ്യാപിക്കുമെന്ന് എഐസിസി സെക്രട്ടറി പി സി ചാക്കോ പറഞ്ഞു. നാല് സീറ്റ് നല്‍കാന്‍ തയ്യാറായിട്ടും ആം ആദ്മി പാര്‍ട്ടി അംഗീകരിക്കാന്‍ തയ്യാറായില്ല. മറ്റ് സംസ്ഥാനങ്ങളിലും സീറ്റ് ധാരണ വേണമെന്ന എഎപിയുടെ ആവശ്യം അംഗീകരിക്കാനാവില്ല. പിസിസി അധ്യക്ഷ ഷീലാ ദീക്ഷിത് അടക്കമുള്ളവര്‍ മല്‍സരിക്കും. ഡല്‍ഹിയില്‍ ഇടതുപാര്‍ട്ടികളുടെ അടക്കം പിന്തുണ തേടുമെന്നും പി സി ചാക്കോ അറിയിച്ചു.