നിപ: ഒമ്പത് പഞ്ചായത്തുകളില് കണ്ടെയിന്മെന്റ് സോണില് ഇളവ്

കോഴിക്കോട്: നിപ നിയന്ത്രണ വിധേയമാക്കുന്നതിന്റെ ഭാഗമായി ജില്ലാ ദുരന്ത നിവാരണ വകുപ്പ് ഒമ്പത് പഞ്ചായത്തുകളില് ഏര്പ്പെടുത്തിയ കണ്ടെയിന്മെന്റ് സോണുകളില് ഇളവുകള് പ്രഖ്യാപിച്ചു. ആയഞ്ചേരി ഗ്രാമപ്പഞ്ചായത്തിലെ 1,2,3,4,5,12,13,14,15 വാര്ഡുകള്, മരുതോങ്കര ഗ്രാമപഞ്ചായത്തിലെ 1,2,3,4,5,12,13,14 വാര്ഡുകള്, തിരുവള്ളൂര് ഗ്രാമപഞ്ചായത്തിലെ 1,2,7,8,9,20 വാര്ഡുകള്, കുറ്റിയാടി ഗ്രാമപഞ്ചായത്തിലെ 3,4,5,6,7,8,9,10 വാര്ഡുകള്, കായക്കൊടി ഗ്രാമപഞ്ചായത്തിലെ 5,6,7,8,9,10,11,12,13 വാര്ഡുകള്, കാവിലും പാറ ഗ്രാമപഞ്ചായത്തിലെ 2,10,11,12,13,14,15,16 വാര്ഡുകള്, വില്യാപ്പള്ളി 3,4,5,6,7 വാര്ഡുകള്, പുറമേരിയിലെ 13ാം വാര്ഡും നാലാം വാര്ഡിലെ തണ്ണിര്പ്പന്തല് ടൗണ് ഉള്പ്പെട്ട പ്രദേശം, ചങ്ങരോത്ത് പഞ്ചായത്തിലെ 1,2,19 വാര്ഡുകള് എന്നിവിടങ്ങളിലെ കണ്ടെയിന്മെന്റ് സോണുകള്ക്കാണ് ഇളവുകള് പ്രഖ്യാപിച്ചത്.
മേല് പറഞ്ഞ കണ്ടെയിന്മെന്റ് സോണിലെ എല്ലാ കടകമ്പോളങ്ങളും രാത്രി എട്ടുവരെ നിപ പ്രോട്ടോക്കോള് അനുസരിച്ച് പ്രവര്ത്തിപ്പിക്കാവുന്നതാണ്. കണ്ടെയിന്മെന്റ് സോണിലെ എല്ലാ ബാങ്കുകളും ഉച്ചയ്ക്ക് രണ്ടുവരെയും പ്രോട്ടോക്കോള് അനുസരിച്ച് പ്രവര്ത്തിക്കാം. മാസ്ക്, സാനിറ്റൈസര് എന്നിവ നിര്ബന്ധമായും ഉപയോഗിക്കേണ്ടതും സാമൂഹിക അകലം പാലിക്കേണ്ടതും ആളുകള് കൂട്ടം കൂടുന്നത് കര്ശനമായി നിയന്ത്രിക്കുകയും ചെയ്യണം. മറ്റ് നിയന്ത്രണങ്ങള് ഇനിയൊരു ഉത്തരവ് ഉണ്ടാവുന്നത് വരെ തുടരും. സമ്പര്ക്ക പട്ടികയിലുള്ളവരും നിരീക്ഷണത്തിലുള്ളവരും കര്ശനമായ നിയന്ത്രണങ്ങള് പാലിക്കേണ്ടതും ആരോഗ്യ വകുപ്പ് നിര്ദേശിക്കുന്ന കാലയളവ് വരെ ക്വാറന്റൈനില് കഴിയേണ്ടതുമാണെന്നും ജില്ലാ കലക്ടര് അറിയിച്ചു.
RELATED STORIES
പച്ച പെയിന്റ്.., പിഎഫ്ഐ ചാപ്പ..; പൊളിഞ്ഞത് സൈനികന്റെ കലാപനീക്കം
26 Sep 2023 6:55 PM GMTജലീലിന്റെ 'മാധ്യമ' ശത്രുത പിണറായി സര്ക്കാരിന്റെ സംഘി മുഖം |THEJAS...
26 July 2022 3:25 PM GMTഇന്ത്യയില് ജനാധിപത്യം തുറുങ്കിലാണ്: ആരു രക്ഷിക്കും? Editors Voice |...
19 July 2022 2:48 PM GMTമഹാരാഷ്ട്രീയ രാഷ്ട്രീയം എങ്ങോട്ട്? കഥ ഇതുവരെ
27 Jun 2022 3:27 AM GMTഗുജറാത്ത് ഫയല്സിനെകുറിച്ച് മോദി എന്തു പറയുന്നു?
22 March 2022 2:55 PM GMTമീഡിയവണ്ണിന് വിലക്ക്: കാരണം ഇതാണ്|THEJAS NEWS
1 Feb 2022 3:55 PM GMT