കേരളത്തില്‍ കാലവര്‍ഷം എത്തി

തിരുവനന്തപുരം: കേരളത്തില്‍ കാലവര്‍ഷം എത്തിയതായി സ്ഥിരീകരിച്ച് കേന്ദ്രകാലാവസ്ഥാ വകുപ്പ്. പതിനാറ് വര്‍ഷത്തിനു ശേഷമാണ് ഇത്രയും നേരത്തെ കാലവര്‍ഷം എത്തുന്നത്. 2009ല്‍ മേയ് 23നാണ് കാലവര്‍ഷം എത്തിയത്. അതിന് ശേഷം ഇത്രയും നേരത്തെ എത്തുന്നത് ആദ്യമാണ്. ഇന്ന് എല്ലാ ജില്ലകളിലും വ്യാപകമായ മഴയ്ക്കും കാറ്റിനും സാധ്യതയുണ്ട്. അതിതീവ്ര മഴയ്ക്കു സാധ്യതയുള്ളതിനാല്‍ ഇന്ന് കണ്ണൂര്‍, കാസര്‍കോട് ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. നാളെ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. പത്തനംതിട്ട, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ 26ന് റെഡ് അലര്‍ട്ട് ആയിരിക്കും.