കാരണം ബോധിപ്പിച്ചാലേ രൂപേഷിനെതിരായ ഹരജി പിന്വലിക്കാന് അനുവദിക്കൂ: സുപ്രിംകോടതി
വളയം, കുറ്റ്യാടി പോലിസ് സ്റ്റേഷനുകളില് രജിസ്റ്റര് ചെയ്തിരുന്ന മൂന്ന് കേസുകളില് രൂപേഷിനെതിരായ യുഎപിഎ വകുപ്പുകള് പുനസ്ഥാപിക്കണമെന്ന് ആവശ്യപ്പെട്ടാണ് സംസ്ഥാന സര്ക്കാര് സുപ്രിംകോടതിയെ സമീപിച്ചിരുന്നത്.
ന്യൂഡല്ഹി: മാവോവാദി നേതാവ് രൂപേഷിനെതിരായ ഹരജി കേരളം പിന്വലിക്കുന്നതിനുള്ള കാരണം വ്യക്തമാക്കണമെന്ന് സുപ്രിംകോടതി. കാരണം തൃപ്തികരമാണെങ്കില് മാത്രമേ ഹരജി പിന്വലിക്കാന് അനുവദിക്കൂ എന്ന് ജസ്റ്റിസ് എം ആര് ഷാ അധ്യക്ഷനായ ബെഞ്ച് വ്യക്തമാക്കി. കാരണം അറിയിക്കുന്നതിന് വെള്ളിയാഴ്ച വരെ സംസ്ഥാന സര്ക്കാരിന് സുപ്രിംകോടതി സമയം അനുവദിച്ചു.
വളയം, കുറ്റ്യാടി പോലിസ് സ്റ്റേഷനുകളില് രജിസ്റ്റര് ചെയ്തിരുന്ന മൂന്ന് കേസുകളില് രൂപേഷിനെതിരായ യുഎപിഎ വകുപ്പുകള് പുനസ്ഥാപിക്കണമെന്ന് ആവശ്യപ്പെട്ടാണ് സംസ്ഥാന സര്ക്കാര് സുപ്രിംകോടതിയെ സമീപിച്ചിരുന്നത്. സംസ്ഥാന സര്ക്കാരിന്റെ ഹരജി പരിഗണിച്ച ജസ്റ്റിസ് എം ആര് ഷാ അധ്യക്ഷനായ ബെഞ്ച് നേരത്തെ രൂപേഷിന് നോട്ടിസയച്ചിരുന്നു. എന്നാല് പിന്നീട് ഹരജി പിന്വലിക്കാന് അനുവദിക്കണമെന്ന് ആവശ്യപ്പെട്ട് സംസ്ഥാന സര്ക്കാര് സുപ്രിംകോടതിയില് അപേക്ഷ നല്കുകയായിരുന്നു.
ഈ അപേക്ഷ ഇന്ന് ജസ്റ്റിസുമാരായ എം ആര് ഷാ, കൃഷ്ണ മുരാരി എന്നിവര് അടങ്ങിയ ബെഞ്ചാണ് പരിഗണിച്ചത്. അപേക്ഷയില് ഹരജി പിന്വലിക്കുന്നതിനുള്ള കാരണം വ്യക്തമാക്കിയിരുന്നില്ല. രൂപേഷിന് എതിരായ കേസിലെ യുഎപിഎ ഹൈക്കോടതി റദ്ദാക്കിയത് സാങ്കേതിക കാരണങ്ങള് ചൂണ്ടിക്കാട്ടിയാണ്. ഇത് വെറും നിയമവിഷയം മാത്രമാണ്. അതിനാല് സംസ്ഥാന സര്ക്കാര് ഹരജി പിന്വലിക്കുന്നതിനുള്ള കാരണം തങ്ങള്ക്ക് അറിയണമെന്ന് ബെഞ്ച് വ്യക്തമാക്കി. സംസ്ഥാന സര്ക്കാരിനുവേണ്ടി സീനിയര് അഭിഭാഷകന് ജയദീപ് ഗുപ്തയാണ് ഹാജരായത്.
നിരോധിത സംഘടനയുടെ ലഘുലേഖ വിതരണംചെയ്തെന്ന് ആരോപിച്ച് 2013-ല് കുറ്റ്യാടി പോലിസ് സ്റ്റേഷനിലെ രണ്ടു കേസിലും 2014-ല് വളയം പോലിസ് സ്റ്റേഷനില് ഒരു കേസിലുമാണ് രൂപേഷിനെതിരെ യുഎപിഎ നിയമം ചുമത്തിയിരുന്നത്. എന്നാല് യുഎപിഎ അതോറിറ്റിയില് നിന്ന് പ്രോസിക്യൂഷന് അനുമതി കൃത്യസമയത്ത് ലഭിച്ചില്ലെന്ന് ചൂണ്ടിക്കാട്ടി രൂപേഷ് നല്കിയ ഹരജിയില് ഹൈക്കോടതി സിംഗിള്, ഡിവിഷന് ബെഞ്ചുകള് അനുകൂല ഉത്തരവുകള് പുറപ്പടുവിക്കുകയായിരുന്നു. ഇതിനെതിരെയാണ് സംസ്ഥാന സര്ക്കാര് സുപ്രിംകോടതിയെ സമീപിച്ചത്.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
