ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
![ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില് ഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്](https://www.thejasnews.com/h-upload/2024/04/19/219177-election.webp)
ന്യൂഡല്ഹി: ലോക്സഭാ തിരഞ്ഞെടുപ്പിന്റെ അദ്യഘട്ട പോളിങ് അവസാനിച്ചപ്പോള് രേഖപ്പെടുത്തിയത് 60.03 ശതമാനം പോളിങ്. ബംഗാളിലും ത്രിപുരയിലും മികച്ച പോളിങ് രേഖപ്പെടുത്തിയപ്പോള് ബിഹാറിലാണ് കുറവ് രേഖപ്പെടുത്തിയത്. ആകെ 21 സംസ്ഥാനങ്ങളിലും കേന്ദ്രഭരണ പ്രദേശങ്ങളിലുമായി 102 മണ്ഡലങ്ങളിലേക്കാണ് ഇന്ന് തിരഞ്ഞെടുപ്പ് നടന്നത്. അരുണാചല്പ്രദേശ്, സിക്കിം എന്നിവിടങ്ങളിലായി 92 നിയമസഭാ സീറ്റിലേക്കും വോട്ടെടുപ്പ് നടന്നു. ത്രിപുരയിലാണ് ഉയര്ന്ന് പോളിങ് രേഖപ്പെടുത്തിയത്-76.10 ശതമാനം. ബംഗാളില് 77.57 ശതമാനവും ബിഹാറില് 46.32 ശതമാനവും പോളിങ് രേഖപ്പെടുത്തി. കഴിഞ്ഞ തവണ ഇത് 66.04 ശതമാനമായിരുന്നു. തമിഴ്നാട്ടില് 62.08 ശതമാനം പേര് വോട്ട് ചെയ്തു. ഉത്തരാഖണ്ഡില് 53 ശതമാനവും ഉത്തര്പ്രദേശില് 57.54 ശതമാനവും മണിപ്പൂരില് 67.46 ശതമാനവും വോട്ട് രേഖപ്പെടുത്തിയതായാണ് കണക്കുകള്. തമിഴ്നാട്ടിലെ മുഴുവന് സീറ്റിലും ആദ്യഘട്ടത്തിലാണ് തിരഞ്ഞെടുപ്പ് നടന്നത്. ആദ്യഘട്ട തിരഞ്ഞെടുപ്പ് നടന്ന മണ്ഡലങ്ങളില് എട്ടു കേന്ദ്രമന്ത്രിമാര്, രണ്ട് മുന് മുഖ്യമന്ത്രിമാര്, ഒരു മുന് ഗവര്ണര് എന്നിവരടക്കം 1600 സ്ഥാനാര്ഥികളാണ് മല്സരരംഗത്തുള്ളത്.
തമിഴ്നാട് (39), ഉത്തരാഖണ്ഡ് (5), ബിഹാര് (4), മധ്യപ്രദേശ് (6), മഹാരാഷ്ട്ര (5), രാജസ്ഥാന് (12), ത്രിപുര (1), ഉത്തര്പ്രദേശ് (8), പശ്ചിമബംഗാള് (3), ജമ്മു കശ്മീര് (1), അരുണാചല് പ്രദേശ് (2), മണിപ്പൂര്(2), മേഘാലയ(2), മിസോറാം (1), നാഗാലാന്ഡ് (1), സിക്കിം (1) എന്നീ സംസ്ഥാനങ്ങളിലും, ലക്ഷദ്വീപ്, പുതുച്ചേരി, ആന്ഡമാന് നിക്കോബാര് എന്നീ കേന്ദ്ര ഭരണപ്രദേശങ്ങളും അടക്കം 102 മണ്ഡലങ്ങളാണ് ആദ്യഘട്ടത്തില് വിധിയെഴുതിയത്. 102 മണ്ഡലങ്ങളിലായി 1625 സ്ഥാനാര്ത്ഥികളാണ് ജനവിധി തേടിയത്.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT