കുവൈത്ത് ദുരന്തം; പരിക്കേറ്റ 14 മലയാളികളും അപകടനില തരണം ചെയ്തു
കുവൈത്ത് സിറ്റി/തിരുവനന്തപുരം: കുവൈത്ത് ദുരന്തത്തില് ചികില്സയില് തുടരുന്ന മലയാളികളെല്ലാം അപകടനില തരണം ചെയ്തു. 14 മലയാളികള് അടക്കം 31 ഇന്ത്യക്കാരാണ് ആശുപത്രികളില് ചികിത്സയില് തുടരുന്നത്. ചികിത്സയിലുള്ള 14 മലയാളികളും അപകടനില തരണം ചെയ്തുവെന്ന പുതിയ വിവരമാണ് ആശ്വാസമാകുന്നത്.
പരിക്കേറ്റ് ചികിത്സയിലുള്ള 14 മലയാളികളില് 13 പേരും നിലവില് വാര്ഡുകളിലാണ് ചികിത്സയിലുള്ളത്. ഇവര് ആരുടെയും നില ഗുരുതരമല്ല. ഒരാള് മാത്രമാണ് ഐസിയുവില് തുടരുന്നത്. അല് അദാന്, മുബാറക് അല് കബീര്, അല് ജാബര്, ജഹ്റ ഹോസ്പിറ്റല്, ഫര്വാനിയ ഹോസ്പിറ്റല് എന്നിവിടങ്ങളിലാണ് ചികിത്സയില് കഴിയുന്നത്. മൊത്തം 31 ഇന്ത്യക്കാരാണ് ചികിത്സയിലുള്ളത്.
ഇതിനിടെ, കുവൈത്ത് ദുരന്തത്തില് മരിച്ച മലയാളികളില് നാലുപേരുടെ സംസ്കാരം ഇന്ന് നടക്കും. ഇന്നലെ 12 പേര്ക്കാണ് ജന്മനാട് വിട നല്കിയത്. കുവൈത്ത് ദുരന്തത്തില് മരിച്ച കൊല്ലം പുനലൂര് സ്വദേശി സാജന് ജോര്ജിന്റെയും വിളച്ചിക്കാല സ്വദേശി ലൂക്കോസിന്റെയും സംസ്കാരം ഇന്ന് നടക്കും. സാജന്റെ സംസ്കാരം നരിക്കല് മാര്ത്തോമാ ചര്ച്ച് സെമിത്തേരിയിലും ലൂക്കോസിന്റെ സംസ്കാരം വിളച്ചിക്കാല ഐപിസി സെമിത്തേരിയിലുമാണ്.മൃതദേഹങ്ങള് ഇന്നലെ നാട്ടില് എത്തിച്ചെങ്കിലും വിദേശത്തുള്ള ബന്ധുക്കള് എത്താനുള്ളതിനാല് ചടങ്ങുകള് ഇന്നത്തേക്ക് തീരുമാനിക്കുകയായിരുന്നു.മൃതദേഹങ്ങള് നിലവില് മോര്ച്ചറിയിലാണ്. പത്തനംതിട്ട പന്തളം സ്വദേശി ആകാശ് ശശിധരന്റെയും കണ്ണൂര് കുറുവ സ്വദേശി അനീഷ് കുമാറിന്റെയും സംസ്കാരവും ഇന്ന് നടക്കും.
കണ്ണൂരിലെ സ്വകാര്യ ആശുപത്രിയില് സൂക്ഷിച്ചിരിക്കുന്ന അനീഷ് കുമാറിന്റെ മൃതദേഹം രാവിലെ എട്ട് മണിയോടെ നാട്ടിലേക്ക് കൊണ്ടുവരും. കുറുവയിലെ പൊതുദര്ശനത്തിന് ശേഷം വീട്ടിലേക്ക് കൊണ്ടുവരും. പതിനൊന്ന് വര്ഷമായി കുവൈത്തില് ജോലി ചെയ്യുന്ന അനീഷ് പ്രവാസ ജീവിതം മതിയാക്കി നാട്ടില് സ്ഥിരതാമസമാക്കാനുള്ള തയ്യാറെടുപ്പില് ആയിരുന്നു. കഴിഞ്ഞ മാസം പതിനാറിനാണ് നാട്ടില് നിന്ന് തിരിച്ചുപോയത്. കുവൈത്തില് സൂപ്പര്മാര്ക്കറ്റ സൂപ്പര്വൈസറായിരുന്നു. ഭാര്യയും രണ്ട് ആണ്കുട്ടികളുമുണ്ട്.
കുവൈത്തില് ചികിത്സയിലുള്ള മലയാളികള്
1.സുരേഷ് കുമാര് നാരായണന് - ഐസിയു - അല് ജാബര് ഹോസ്പിറ്റല്
2.നളിനാക്ഷന് - വാര്ഡ്
3.സബീര് പണിക്കശേരി അമീര് - വാര്ഡ്
4.അലക്സ് ജേക്കബ് വണ്ടാനത്തുവയലില് -വാര്ഡ്
5.ജോയല് ചക്കാലയില് - വാര്ഡ്
6.തോമസ് ചാക്കോ ജോസഫ് - വാര്ഡ്
7.അനന്ദു വിക്രമന് - വാര്ഡ്
8.അനില് കുമാര് കൃഷ്ണസദനം - വാര്ഡ്
9.റോജന് മടയില് - വാര്ഡ്
10.ഫൈസല് മുഹമ്മദ് - വാര്ഡ്
11.ഗോപു പുതുക്കേരില് - വാര്ഡ്
12.റെജി ഐസക്ക്- വാര്ഡ്
13.അനില് മത്തായി- വാര്ഡ്
14.ശരത് മേപ്പറമ്പില് - വാര്ഡ്
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
