കണ്ണൂര് വളപട്ടണം പോലിസ് സ്റ്റേഷന് വളപ്പില് തീപ്പിടിത്തം; വാഹനങ്ങള് കത്തിനശിച്ചു
കണ്ണൂര്: വളപട്ടണം പോലിസ് സ്റ്റേഷന് വളപ്പില് നിര്ത്തിയിട്ടിരുന്ന വാഹനങ്ങള് കത്തിനശിച്ചു. ചൊവ്വാഴ്ച പുലര്ച്ചെ മൂന്നോടെയാണ് സംഭവം. വിവിധ കേസുകളിലായി പിടിച്ചിട്ട മൂന്നോളം വാഹനങ്ങളാണ് നശിച്ചത്. ഒരു കാര്, ജീപ്പ്, ഇരുചക്രവാഹനം എന്നിവയ്ക്കാണ് തീപ്പിടിച്ചത്. ഇതില് ഒരു വാഹനം പൂര്ണമായും മറ്റ് രണ്ട് വാഹനങ്ങള് ഭാഗികമായും കത്തി നശിച്ചു. ആരെങ്കിലും മനപ്പൂര്വം തീക്കൊളുത്തിയതാവാമെന്ന് പോലിസ് പറയുന്നു.
കാപ്പ കേസിലെ പ്രതി ചാണ്ടി ഷമീമിനെയും പോലിസ് സംശയിക്കുന്നുണ്ട്. ഇയാളുടെ സഹോദരനെ തിങ്കളാഴ്ച പോലിസ് കസ്റ്റഡിയിലെടുത്തിരുന്നു. ഇതിന്റെ പേരില് ചാണ്ടി ഷമീം തിങ്കളാഴ്ച പോലിസ് സ്റ്റേഷനിലെത്തി ബഹളംവച്ചിരുന്നു. ഒരു ഉദ്യോഗസ്ഥനെ കൈയ്യേറ്റം ചെയ്യുകയും ചെയ്തു. ഈ സംഭവത്തിന് പ്രതികാരമായി ഇയാളും കൂട്ടാളിയും ചേര്ന്ന് തീയിട്ടതാവാമെന്നാണ് പോലിസ് സംശയിക്കുന്നത്. കത്തിനശിച്ച വാഹനങ്ങളില് ഒരെണ്ണം ചാണ്ടി ഷമീമിന്റേതാണ്. സംഭവത്തില് അന്വേഷണം ആരംഭിച്ചതായി പോലിസ് വ്യക്തമാക്കി. തളിപ്പറമ്പ് നിന്ന് അഗ്നിരക്ഷാസേനയെത്തി നാല് മണിയോടെ തീ അണച്ചു.
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT