27 വര്ഷമായി ജയിലില്; ആദ്യമായി റമദാന് വീട്ടില് ആഘോഷിച്ച് 92 കാരനായ ഡോ. ഹബീബ് അഹമ്മദ് ഖാന്
94 കാരനായ ഡോ. ഹബീബ് അഹമ്മദ് ഖാന്റെ ആരോഗ്യസ്ഥിതി ഏറെ പരിതാപകരമായതിനാല് സുപ്രീം കോടതി പരോള് ജൂലൈ വരെ നീട്ടി നല്കിയത് ഏറെ ആശ്വാസമായിട്ടുണ്ട്.
ന്യൂഡല്ഹി: സ്ഫോടനക്കേസില് ജയിലിലടയ്ക്കപ്പെട്ട് 27 വര്ഷമായി ജയിലില് കഴിയുന്ന ഡോ. ഹബീബ് അഹമ്മദ് ഖാന് അറസ്റ്റിനു ശേഷം ആദ്യമായി റമദാന് വീട്ടില് ആഘോഷിക്കുന്നു. 1993ല് നടന്ന ട്രെയിന് സ്ഫോടനക്കേസില് പ്രതിചേര്ക്കപ്പെട്ട് 1994ാണ് ഡോ. ഹബീബ് അഹമ്മദ് ഖാനെ അറസ്റ്റ് ചെയ്തത്. ഇതിനിടെ ശിക്ഷിക്കപ്പെടുകയും ജയില് ശിക്ഷ അനുഭവിക്കുകയും ചെയ്ത ഇദ്ദേഹം 27 വര്ഷത്തിനുശേഷം ആദ്യമായാണ് കുടുംബത്തോടൊപ്പം വീട്ടില് റമദാന് ആഘോഷിക്കുന്നത്.
94 കാരനായ ഡോ. ഹബീബ് അഹമ്മദ് ഖാന്റെ ആരോഗ്യസ്ഥിതി ഏറെ പരിതാപകരമായതിനാല് സുപ്രീം കോടതി പരോള് ജൂലൈ വരെ നീട്ടി നല്കിയത് ഏറെ ആശ്വാസമായിട്ടുണ്ട്. ''അദ്ദേഹത്തിന് നടക്കാന് കഴിയുന്നില്ല. കാഴ്ചശക്തി വഷളായി. മറ്റ് അസുഖങ്ങളുമുണ്ട്'' ജംഇയ്യത്തുല് ഉലമായെ ഹിന്ദ് ലീഗല് എയ്ഡ് കമ്മിറ്റി മേധാവി ഗുല്സാര് അസ്മി പറഞ്ഞു. ''ഡോ. ഹബീബിനെ നേരത്തേ മൂന്ന് തവണ പരോള് ലഭിച്ചിരുന്നു. ഇപ്പോള് 21 ദിവസത്തേക്ക് പരോളില് വിട്ടയച്ചെങ്കിലും അദ്ദേഹത്തിന്റെ അവസ്ഥ കണക്കിലെടുത്ത് സ്ഥിരം പരോളില് വിട്ടയക്കണമെന്ന് സുപ്രീം കോടതിയില് ഒരു ഹര്ജി നല്കി. അദ്ദേഹത്തിന്റെ അവസ്ഥയില് ജയിലില് തുടരാനാവില്ലെന്നും അദ്ദേഹം ചൂണ്ടിക്കാട്ടി. ജംഇയ്യത്തുല് ഉലമായെ ഹിന്ദ് പ്രസിഡന്റ് മൗലാന സയ്യിദ് അര്ഷദ് മദനിയുടെ ശ്രമത്തെ തുടര്ന്നാണ് ആശ്വാസം ലഭിച്ചതെന്ന് സംഘടന വാര്ത്താകുറിപ്പില് അറിയിച്ചു. ഡോ. ഹബീബിനു സ്ഥിരം പരോള് അനുവദിക്കണാന് ഇടപെടണമെന്ന് മുസ്ലിം പേഴ്സണല് ലോ ബോര്ഡ് പ്രസിഡന്റ് മൗലാന റബി ഹസന് നദ്വിയും മൗലാന അര്ഷദ് മദനിയോട് അഭ്യര്ത്ഥിച്ചിരുന്നു.
ഡോ. ഹബീബ് അഹമ്മദ് ഖാന് വീട്ടില് ചികില്സയിലാണെന്നും അദ്ദേഹത്തിന്റെ നില ഗുരുതരമാണെന്നും ജയ്പൂര് ജയിലില് ഹാജരാവാനുള്ള അവസ്ഥയിലല്ലെന്നും അതിനാല്, പരോള് നീട്ടി മാനുഷി പരിഗണന നല്കണമെന്നും മുതിര്ന്ന അഭിഭാഷകന് സിദ്ധാര്ത്ഥ് ദേവും അഭിഭാഷകന് മുജാഹിദ് അഹമ്മദും കോടതിയില് പറഞ്ഞു. സ്ഥിരം പരോള് നല്കിയില്ലെങ്കിലും ജൂലൈ വരെ വീട്ടില് താമസിക്കാന് അനുവദിച്ചത് ഏറെ ആശ്വാസമായി. 1993ല് നടന്ന ട്രെയിന് സ്ഫോടന പരമ്പരയുമായി ബന്ധപ്പെട്ട് 1994ല് അറസ്റ്റ് ചെയ്ത ഡോ. ഹബീബിനെ 2004ലാണ് ശിക്ഷിച്ചത്.
Jailed For 27 Years, 92-Year-Old Dr Habib To Celebrate Ramadan At Home For First Time Since Arrest In 1994
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
