ഗസയില് വീണ്ടും ഇസ്രായേല് വ്യോമാക്രമണം
അധിനിവേശ വെസ്റ്റ് ബാങ്കിന്റെ ചില ഭാഗങ്ങള് ആസൂത്രിതമായി പിടിച്ചെടുക്കുന്ന ഇസ്രായേല് നയം യുദ്ധപ്രഖ്യാപനമാണെന്നു ഹമാസ് ജൂണ് അവസാനത്തോടെ പ്രഖ്യാപിക്കുകയും ഇസ്രായേലിന് മുന്നറിയിപ്പ് നല്കുകയും ചെയ്തിരുന്നു
ഗസ സിറ്റി: ഫലസ്തീനിലെ ഗസയ്ക്കു നേരെ വീണ്ടും ഇസ്രായേല് വ്യോമാക്രമണം. ഞായറാഴ്ച രാത്രിയാണ് ഇസ്രായേല് വിമാനങ്ങള് ഗസ മുനമ്പില് ആക്രമണം നടത്തിയതെന്ന് ഫലസ്തീന് സുരക്ഷാ വൃത്തങ്ങള് പറഞ്ഞു. എന്നാല്, റോക്കറ്റ് ആക്രമണങ്ങള്ക്കു മറുപടിയായി ഹമാസ് കേന്ദ്രങ്ങളിലാണ് ആക്രമണം നടത്തിയതെന്നാണ് ഇസ്രായേല് സൈന്യത്തിന്റെ അവകാശവാദം. രാത്രി ഗാസയില് നിന്ന് ഇസ്രായേലിനു നേരെ മൂന്ന് റോക്കറ്റുകള് പ്രയോഗിച്ചിരുന്നു. ഇതിനു മറുപടിയായാണ് ഹെലികോപ്റ്ററുകളും യുദ്ധവിമാനങ്ങളും ഹമാസ് കേന്ദ്രങ്ങള് ലക്ഷ്യമിട്ട് ആക്രമണം നടത്തിയതെന്നും ഇസ്രായേല് സൈന്യം പ്രസ്താവനയില് അറിയിച്ചു. ആക്രമണത്തില് ആര്ക്കും പരിക്കേറ്റിട്ടില്ലെന്നാണ് റിപോര്ട്ട്.
ഹമാസ് തൊടുത്തുവിട്ടതെന്ന് ഇസ്രായേല് പറയുന്ന ആദ്യത്തെ രണ്ട് റോക്കറ്റുകള് നിലംപതിച്ചെന്നാണ് പറയുന്നതെങ്കിലും എവിടെയാണെന്നതു സംബന്ധിച്ച് സൈന്യത്തിന്റെ പ്രസ്താവനയില് ഒരു സൂചനയും നല്കിയിട്ടില്ല. എന്നാല് മൂന്നാമത്തെ റോക്കറ്റ് അയണ് ഡോം മിസൈല് പ്രതിരോധ സംവിധാനം തടഞ്ഞതായി ഇസ്രായേല് സൈന്യം വ്യക്തമാക്കി. അതേസമയം, റോക്കറ്റ് ആക്രമണം സംബന്ധിച്ച് ഹമാസ് പ്രസ്താവനയൊന്നും പുറപ്പെടുവിച്ചിട്ടില്ല. അധിനിവേശ വെസ്റ്റ് ബാങ്കിന്റെ ചില ഭാഗങ്ങള് ആസൂത്രിതമായി പിടിച്ചെടുക്കുന്ന ഇസ്രായേല് നയം യുദ്ധപ്രഖ്യാപനമാണെന്നു ഹമാസ് ജൂണ് അവസാനത്തോടെ പ്രഖ്യാപിക്കുകയും ഇസ്രായേലിന് മുന്നറിയിപ്പ് നല്കുകയും ചെയ്തിരുന്നു. യുഎസ് തയ്യാറാക്കിയ പദ്ധതി പ്രകാരമാണ് വെസ്റ്റ് ബാങ്കിലെയും ജോര്ദാന് വാലിയിലെയും കുടിയേറ്റങ്ങള് കൂട്ടിച്ചേര്ക്കാനുള്ള ഇസ്രായേല് നീക്കം ആരംഭിച്ചത്. എന്നാല്, പിടിച്ചെടുക്കലുമായി മുന്നോട്ട് പോവരുതെന്നാണ് ഹമാസ് ഉള്പ്പെടെയുള്ളവരുടെ നിലപാട്.
Israel Launches Gaza Strikes After Rocket Fire: Report
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT