ഇന്ത്യന് യാത്രികര്ക്ക് സന്തോഷ വാര്ത്ത; കൊവാക്സിന് അംഗീകാരം നല്കി ബ്രിട്ടന്
കൊവിഡ് വാക്സിന് ഉപയോഗിച്ച് പൂര്ണ്ണമായി വാക്സിനേഷന് എടുത്ത യാത്രക്കാര്ക്ക് ക്വാറന്റീന് ആവശ്യമില്ലെന്ന് ബ്രിട്ടീഷ് ഹൈക്കമ്മിഷണര് ട്വീറ്റ് ചെയ്തു.
ലണ്ടന്: അന്താരാഷ്ട്ര യാത്രക്കാര്ക്കുള്ള അംഗീകൃത കൊവിഡ്19 വാക്സിനുകളുടെ പട്ടികയില് ഈ മാസം 22 മുതല് ഇന്ത്യയുടെ കൊവാക്സിനേയും ഉള്പ്പെടുത്തുമെന്ന് ബ്രിട്ടീഷ് ഭരണകൂടം അറിയിച്ചു.
ഇന്ത്യയിലെ ഭാരത് ബയോടെക് തദ്ദേശീമായി വികസിപ്പിച്ച വാക്സിനാണ് കൊവാക്സിന്. ഇന്ത്യയില് ഏറ്റവും കൂടുതല് ഉപയോഗിക്കുന്ന രണ്ടാമത്തെ പ്രതിരോധ വാക്സിനായ കോവാക്സിനെ ലോകാരോഗ്യ സംഘടന അടിയന്തര ഉപയോഗ പട്ടികയില് ഉള്പ്പെടുത്തിയതിന് പിന്നാലെയാണ് ബ്രിട്ടനും അനുമതി നല്കിയത്.
ഇന്ത്യ നിര്മ്മിച്ച ഓക്സ്ഫോര്ഡ് ആസ്ട്രാസെനെക്കയുടെ കൊവിഡ്19 വാക്സിനായ കോവിഷീല്ഡ് ബ്രിട്ടന് കഴിഞ്ഞ മാസം അംഗീകൃത പട്ടികയില് ഉള്പ്പെടുത്തിയിരുന്നു. കൊവാക്സിന് ബ്രിട്ടന് അംഗീകാരം നല്കിയത് ഇന്ത്യയിലെ ബ്രിട്ടീഷ് ഹൈക്കമ്മിഷണര് അലക്സ് എല്ലിസ് ആണ് അറിയിച്ചത്.
യുകെയിലേക്കുള്ള ഇന്ത്യന് യാത്രക്കാര്ക്ക് സന്തോഷവാര്ത്ത. നവംബര് 22 മുതല്, കൊവാക്സിന് ഉള്പ്പെടെയുള്ള അടിയന്തര ഉപയോഗ പട്ടികയില് ലോകാരോഗ്യ സംഘടന അംഗീകരിച്ച കൊവിഡ് വാക്സിന് ഉപയോഗിച്ച് പൂര്ണ്ണമായി വാക്സിനേഷന് എടുത്ത യാത്രക്കാര്ക്ക് ക്വാറന്റീന് ആവശ്യമില്ലെന്ന് ബ്രിട്ടീഷ് ഹൈക്കമ്മിഷണര് ട്വീറ്റ് ചെയ്തു.
നവംബര് 22ന് പുലര്ച്ചെ 4 മണി മുതല് മാറ്റങ്ങള് പ്രാബല്യത്തില് വരും. കൊവാക്സിനെ കൂടാതെ ലോകാരോഗ്യ സംഘടനയുടെ അടിയന്തര ഉപയോഗ പട്ടികയിലുള്ള ചൈനയുടെ സിനോവാക്, സിനോഫാം വാക്സിനുകളും യുകെ അംഗീകരിച്ചിട്ടുണ്ട്.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT