രണ്ടു വര്ഷത്തിന് ശേഷം രാജ്യാന്തര വിമാന സര്വീസുകള് പുനരാരംഭിക്കുന്നു
രാജ്യാന്തര വിമാന സര്വീസ് പുനരാരംഭിക്കുന്നതോടെ ടിക്കറ്റ് നിരക്ക് കുറഞ്ഞേക്കുമെന്നാണു വിലയിരുത്തല്.
ന്യൂഡല്ഹി: ഇന്നു മുതല് രാജ്യാന്തര വിമാന സര്വീസുകള് പുനരാരംഭിക്കും. കൊവിഡ് മൂലമുണ്ടായിരുന്ന നിയന്ത്രണം ഒഴിവാക്കി സര്വീസുകള് മുന്പുള്ള സ്ഥിതിയിലാകും. രാജ്യാന്തര വിമാന സര്വീസ് പുനരാരംഭിക്കുന്നതോടെ ടിക്കറ്റ് നിരക്ക് കുറഞ്ഞേക്കുമെന്നാണു വിലയിരുത്തല്.
വിമാനയാത്രയ്ക്കും വിമാനത്താവങ്ങള്ക്കുമുള്ള കൊവിഡ് മാര്ഗരേഖയിലും കേന്ദ്ര സര്ക്കാര് മാറ്റങ്ങള് വരുത്തിയിട്ടുണ്ട്. സാമൂഹിക അകലം ഉറപ്പാക്കാന് സീറ്റുകള് ഇനി ഒഴിച്ചിടേണ്ടതില്ല. വിമാനങ്ങളിലെ കാബിന് ക്രൂ പിപിഇ കിറ്റ് ധരിക്കണമെന്ന നിബന്ധനയും ഒഴിവാക്കി. വിമാനത്താവളങ്ങളിലെ സുരക്ഷാജീവനക്കാര്ക്കു ദേഹപരിശോധന നടത്താനും തടസ്സമില്ല. അതേസമയം, മാസ്ക് ധരിക്കുന്നതു തുടരണം.
കൊവിഡ് കേസുകള് കുറഞ്ഞ പശ്ചാത്തലത്തില് ഡിസംബര് 15 മുതല് രാജ്യാന്തര വിമാന സര്വീസുകള് പുനരാരംഭിക്കാന് കേന്ദ്രസര്ക്കാര് തീരുമാനിച്ചിരുന്നു. ഒമൈക്രോണ് വകഭേദം രാജ്യത്ത് പിടിമുറുക്കിയതോടെ തീരുമാനം നീട്ടിവെയ്ക്കുകയായിരുന്നു. പിന്നീട് ഫെബ്രുവരിയില് രാജ്യാന്തര വിമാന സര്വീസിന് ഏര്പ്പെടുത്തിയ നിയന്ത്രണം അനിശ്ചിതമായി നീട്ടി. നിലവില് സ്ഥിതിഗതികള് നിയന്ത്രണവിധേയമായ പശ്ചാത്തലത്തിലാണ് വിമാന സര്വീസ് പുനരാരംഭിക്കാന് കേന്ദ്രസര്ക്കാര് തീരുമാനിച്ചത്.
2020 മാര്ച്ചിലാണ് ആദ്യമായി രാജ്യാന്തര വിമാനസര്വീസുകള്ക്ക് വിലക്ക് ഏര്പ്പെടുത്തിയത്. പിന്നീട് സസ്പെന്ഷന് പലവട്ടമായി പുതുക്കുകയായിരുന്നു. രാജ്യാന്തര വിമാന സര്വീസിന് വിലക്ക് ഉണ്ടെങ്കിലും 2020 ജൂലൈ മുതല് തന്നെ സ്പെഷല് സര്വീസുകള്ക്ക് അനുമതി നല്കിയിട്ടുണ്ട്.
RELATED STORIES
ട്രെയിന് യാത്രക്കാര്ക്ക് കൂടുതല് സൗകര്യങ്ങളുമായി യുടിഎസ് ആപ്പ്; ഇനി ...
23 Aug 2023 6:59 AM GMTഓണം അടിച്ചുപൊളിക്കാന് കെഎസ്ആര്ടിസിയുടെ സ്പെഷ്യല് ടൂര് പാക്കേജ്
18 Aug 2023 6:57 AM GMTഡ്രൈവിങിനിടെ ഹൃദയം നിലച്ചു; കുരുന്നു ജീവനുകള് സുരക്ഷിതമാക്കി...
23 July 2023 9:09 AM GMTപഴയ സോവിയറ്റ് യൂനിയനും പുതിയ ഉസ്ബെക്കിസ്താനും
20 Jun 2023 3:01 PM GMT'ഫീൽ മോർ ഇൻ ഖത്തർ' കാംപയ്ന് തുടക്കം
21 Dec 2022 8:46 AM GMTവേൾഡ് ട്രാവൽ അവാർഡിൽ നേട്ടങ്ങൾ കരസ്ഥമാക്കി ഒമാൻ
14 Nov 2022 11:01 AM GMT