'മുസ് ലിം തൊപ്പി ധരിച്ച കൊറോണ വൈറസ്'; വിദ്വേഷ പ്രചാരണത്തിനെതിരേ ഹോളി ആഘോഷത്തിന്റെ വീഡിയോ പങ്ക് വച്ച് റാണാ അയ്യൂബ്

ന്യൂഡല്‍ഹി: കൊവിഡ് വൈറസ് വ്യാപനത്തിന്റെ പേരില്‍ മുസ് ലിംകളെ ലക്ഷ്യമിട്ട് സംഘപരിവാരവും മുഖ്യധാരാ മാധ്യമങ്ങളും നടത്തിയ വിദ്വേഷ പ്രചാരണത്തെ ഓര്‍മിപ്പിച്ച് മാധ്യമ പ്രവര്‍ത്തക റാണാ അയ്യൂബ്. കഴിഞ്ഞ വര്‍ഷത്തിന്റെ ആദ്യത്തില്‍ മുസ് ലിംകളെ ലക്ഷ്യമിട്ട് വ്യാപക പ്രചാരണമാണ് നടന്നത്. തബ് ലീഗ് ജമാഅത്ത് സമ്മേളനമാണ് കൊവിഡ് പരക്കാന്‍ കാരണമെന്ന് സംഘപരിവാറിനെ ചുവട് പിടിച്ച് മാധ്യമങ്ങളും പ്രചരിപ്പിച്ചിരുന്നു. ഇന്ത്യാ ടുഡേ പ്രസിദ്ധീകരിച്ച മുസ് ലിം തൊപ്പി ധരിച്ച കൊറോണ വൈറസിന്റെ ചിത്രവും ഈ ഘട്ടത്തില്‍ ഓര്‍ത്തുപോകുന്നതായി ഹോളി ആഘോഷത്തിന്റെ വീഡിയോ പങ്കുവച്ച് റാണാ അയ്യൂബ് ട്വീറ്റ് ചെയ്തു.

കഴിഞ്ഞ വര്‍ഷം ഇതേ സമയത്ത് ഭരണകൂടവും മാധ്യമങ്ങളും തബ് ലീഗ് ജമാഅത്തിനെ വേട്ടയാടുകയായിരുന്നെന്ന് റാണാ അയ്യൂബ് പറഞ്ഞു.