'ജയ് ശ്രീറാം' വിളിക്കാന്‍ വിസമ്മതിച്ചു; യുപിയില്‍ മുസ് ലിം ബാലന് ഹിന്ദുത്വരുടെ ക്രൂരമര്‍ദ്ദനം(വീഡിയോ)

ന്യൂഡല്‍ഹി: 'ജയ് ശ്രീറാം' വിളിക്കാന്‍ വിസമ്മതിച്ചതിനെ തുടര്‍ന്ന് ഹിന്ദുത്വര്‍ മുസ് ലിം ബാലനെ ക്രൂരമായി മര്‍ദ്ദിച്ചു. ഉത്തര്‍പ്രദേശിലെ ഗാസിയാബാദ് ജില്ലയിലെ ഭോജ്പൂരിലാണ് സംഭവം. തോഹ്രിയിലെ അമ്മായിയുടെ വീട്ടില്‍ നിന്ന് മടങ്ങുകയായിരുന്ന സീഷാന്‍ എന്ന ആണ്‍കുട്ടിയെയാണ് ഹിന്ദുത്വര്‍ ബൈക്ക് തടഞ്ഞു നിര്‍ത്തി ആക്രമിച്ചത്. 'അവര്‍ ബൈക്ക് തടഞ്ഞുനിര്‍ത്തി എന്റെ വസ്ത്രങ്ങള്‍ വലിച്ചുകീറി. ബൈക്ക് തകര്‍ത്തു. 'ജയ് ശ്രീ റാം' വിളിക്കാന്‍ എന്നെ നിര്‍ബന്ധിച്ചു, ഞാന്‍ വിസമ്മതിച്ചപ്പോള്‍ അവര്‍ എന്നെ അടിക്കാന്‍ തുടങ്ങി. അവരുടെ പക്കല്‍ തോക്കുണ്ടായിരുന്നു. കൈയിലെ നഖത്തില്‍ ഇരുമ്പാണി കുത്തി. ദേഹമാസകലം ക്രൂരമായി മര്‍ദ്ദിച്ചു. രക്തം അമിതമായി ഒഴുകാന്‍ തുടങ്ങിയപ്പോള്‍, മരിക്കട്ടെ എന്നുപറഞ്ഞ് അവര്‍ ഓടിപ്പോയി' സീഷാന്‍ പറഞ്ഞതായി മുസ് ലിം മിറര്‍ റിപോര്‍ട്ട് ചെയ്തു.

योगीराज में जयश्रीराम के नारे नही लगाने पर जीशान को असामाजिक तत्वों ने पीटा,कील से जिस्म को छलनी किया,बाइक तोड़ी,रिपोर्ट दर्ज कराने भोजपुर थाने पहुचे तो SO ने तहरीर से नारे वाली बात काटने को कहा,जमीन पर बालक नही यूपी की लॉ एन आर्डर कराह रही है @Uppolice @juhiesingh @INCIndia pic.twitter.com/CVcGM1BkPx

ഇതുസംബന്ധിച്ച് പോലിസില്‍ പരാതി നല്‍കിയപ്പോള്‍ 'ജയ് ശ്രീ റാം' വിളിക്കാന്‍ നിര്‍ബന്ധിച്ചെന്ന ഭാഗം പിന്‍വലിക്കാന്‍ പോലിസ് ആവശ്യപ്പെട്ടതായും സീഷാന്‍ ആരോപിച്ചു. സംഭവത്തില്‍ ഗാസിയാബാദ് പോലിസ് രണ്ട് പേരെ അറസ്റ്റ് ചെയ്തിട്ടുണ്ടെങ്കിലും ജയ് ശ്രീറാം വിളിക്കാന്‍ പറഞ്ഞതിനു തെളിവില്ലെന്നാണ് പോലിസ് പറയുന്നത്. മര്‍ദ്ദനമേറ്റ് നിലവിളിക്കുന്ന സീഷാന്റെ വീഡിയോ ദൃശ്യങ്ങള്‍ സാമൂഹിക മാധ്യമങ്ങളിലൂടെ പുറത്തുവന്നിട്ടുണ്ട്. ഇടതുകൈയില്‍ നിന്ന് ചോരയിറ്റു വീഴുന്നതും വസ്ത്രത്തില്‍ ചോരപ്പാടും കാണുന്നുണ്ട്. സമീപത്ത് തന്നെ തകര്‍ക്കപ്പെട്ട ബൈക്കും ദൃശ്യങ്ങളില്‍ കാണുന്നുണ്ട്. യോഗി ആദിത്യനാഥ് ഭരിക്കുന്ന ഉത്തര്‍പ്രദേശില്‍ ജയ് ശ്രീറാം വിളിക്കാത്തതിന്റെയും പശുക്കടത്ത് ആരോപിച്ചും മുസ് ലിംകള്‍ക്കെതിരായ ഹിന്ദുത്വ ആക്രമണങ്ങള്‍ നാള്‍ക്കുനാള്‍ വര്‍ധിച്ചുവരികയാണ്.

Hindutva fanatics thrash Muslim boy for refusing to chant Jai Shri Ram