ബന്ദിമോചനം: വീണ്ടും വെടിനിര്ത്തലിന് സന്നദ്ധമെന്ന് ഇസ്രായേല് പ്രസിഡന്റ്
ജെറുസലേം: ഹമാസ് പോരാളികള് ബന്ദികളാക്കിയവരെ മോചിപ്പിക്കാന് മറ്റൊരു വിദേശരാജ്യത്തിന്റെ മധ്യസ്ഥതയില് വെടിനിര്ത്തല് കരാറില് ഏര്പ്പെടാന് സന്നദ്ധത അറിയിച്ച് ഇസ്രായേല് പ്രസിഡന്റ് ഇസാഖ് ഹെര്സോഗ്. ബന്ദികളുടെ മോചനം സാധ്യമാക്കുന്നതിന് ഇസ്രായേല് മറ്റൊരു താല്ക്കാലിക വെടിനിര്ത്തലിനും അധിക മാനുഷിക സഹായത്തിനും തയ്യാറാണെന്ന് അംബാസഡര്മാരുടെ സമ്മേളനത്തില് അദ്ദേഹം പറഞ്ഞതായി ഓഫിസ് അറിയിച്ചു. എന്നാല്, ഇതിന്റെ ഉത്തരവാദിത്തം പൂര്ണമായും ഹമാസ് നേതാവ് യഹ് യ സിന്വാറിനും മറ്റു നേതൃത്വത്തിനുമാണെന്നും അദ്ദേഹം പറഞ്ഞു. 80 രാജ്യങ്ങളില് നിന്നുള്ള ഒരു കൂട്ടം അംബാസഡര്മാരുടെ സമ്മേളനത്തിലാണ് ഇസാഖ് ഹെര്സോഗ് സന്നദ്ധത അറിയിച്ചത്. ഗസയിലേക്ക് സഹായം എത്തിക്കുന്നതിന് കൂടുതല് കാര്യങ്ങള് ചെയ്യാന് അന്താരാഷ്ട്ര സംഘടനകളോട് ഹെര്സോഗ് അഭ്യര്ഥിച്ചതായും റിപോര്ട്ടുണ്ട്. കഴിഞ്ഞ മാസം ഏഴു ദിവസത്തെ ഇടവേളയില് 105 ബന്ദികളെ മോചിപ്പിച്ചിരുന്നു.
RELATED STORIES
മുംബൈ ഭീകരാക്രമണക്കേസിലെ പബ്ലിക് പ്രോസിക്യൂട്ടര് ഉജ്വല് നികം ബിജെപി ...
27 April 2024 6:20 PM GMTഇ പി എന്ന പാപി
27 April 2024 1:30 PM GMTഇസ്രായേല് വിരുദ്ധ പ്രക്ഷോഭത്തില് തിളച്ചുമറിഞ്ഞ് യുഎസ് കാംപസുകള്;...
27 April 2024 10:48 AM GMTഅമേരിക്കയില് കാറപകടത്തില് മൂന്ന് ഇന്ത്യന് സ്ത്രീകള് മരണപ്പെട്ടു
27 April 2024 10:13 AM GMTകെ കെ എസ് ദാസിന്റെ വേര്പാടില് എസ് ഡിപിഐ അനുശോചിച്ചു
27 April 2024 10:04 AM GMTഅജ്മീറില് പള്ളിയില്ക്കയറി ഇമാമിനെ തല്ലിക്കൊന്നു
27 April 2024 9:54 AM GMT