Top

'വികസനത്തില്‍ സഹായിച്ചു'; പിണറായിയെയും മന്ത്രിമാരെയും പുകഴ്ത്തി അനില്‍ അക്കര

വികസനത്തില്‍ സഹായിച്ചു; പിണറായിയെയും മന്ത്രിമാരെയും പുകഴ്ത്തി അനില്‍ അക്കര
X

വടക്കാഞ്ചേരി: മുഖ്യമന്ത്രി പിണറായി വിജയനെയും എല്‍ഡിഎഫ് സര്‍ക്കാരിനെയും പുകഴ്ത്തി കോണ്‍ഗ്രസ് നേതാവ് അനില്‍ അക്കര എം.എല്‍.എ. സ്വകാര്യ ചാനലിനു നല്‍കിയ അഭിമുഖത്തിലാണ് വടക്കാഞ്ചേരിയിലെ യുഡിഎഫ് സ്ഥാനാര്‍ത്ഥി കൂടിയായ അനില്‍ അക്കരയുടെ പരാമര്‍ശം. വികസനത്തിന്റെ കാര്യത്തില്‍ പിണറായിയെ വിശ്വാസമാണ്. വടക്കാഞ്ചേരി മണ്ഡലത്തിന്റെ വികസനത്തിനായി എല്‍ഡിഎഫ് സര്‍ക്കാര്‍ കൈയയച്ച് സഹായിച്ചു. മന്ത്രിമാരായ തോമസ് ഐസക്കും ജി സുധാകരനും മണ്ഡലത്തിന്റെ വികസനത്തിന് സഹായിച്ചു. ചോദിച്ച പദ്ധതികള്‍ക്കെല്ലാം പിണറായി സര്‍ക്കാര്‍ അനുമതിയും സഹായവും നല്‍കിയെന്നും അദ്ദേഹം പറഞ്ഞു.

നേരത്തേ എല്‍ഡിഎഫ് സര്‍ക്കാരിന്റെ ഭവനനിര്‍മാണ പദ്ധതിയായ ലൈഫ് മിഷനെതിരേ അനില്‍ അക്കര രംഗത്തെത്തിയിരുന്നു. വടക്കാഞ്ചേരിയിലെ ലൈഫ് ഫഌറ്റിനെതിരേ ഹൈക്കോടതിയില്‍ നല്‍കിയ ഹരജിയില്‍ നടപടിയുണ്ടായത് ഏറെ ചര്‍ച്ചയായിരുന്നു. പരാതിയുടെ അടിസ്ഥാനത്തിലുള്ള ലൈഫ് മിഷന്‍ കേസില്‍ സിബിഐ അന്വേഷണം നടക്കുകയാണ്. ലൈഫ് മിഷന്‍ പദ്ധതി കേസില്‍ പെട്ട ശേഷം ഫ്‌ളാറ്റ് നിര്‍മാണം ഉപേക്ഷിച്ചതായി കരാറുകാരായ യുണിടാക്ക് വ്യക്തമാക്കിയിരുന്നു. അനില്‍ അക്കരെ കിടപ്പാടം മുടക്കിയെന്നായിരുന്നു എല്‍ഡിഎഫിന്റെ ആക്ഷേപം.

Anil Akkara MLA praises Pinarayi and ministers

Next Story

RELATED STORIES

Share it