സംസ്ഥാനത്ത് ഇന്നും നാളെയും കനത്ത മഴ: വിവിധ ജില്ലകളില് യെല്ലോ അലര്ട്ട്, മീന്പിടിത്തക്കാര്ക്ക് മുന്നറിയിപ്പ്
കൊല്ലം, ഇടുക്കി ജില്ലകളില് ഇന്ന് ശക്തമായ മഴയ്ക്ക് സാധ്യതയുണ്ടെന്നു അറിയിച്ച കാലാവസ്ഥ വകുപ്പ് കൊല്ലം ജില്ലയില് യെല്ലോ അലര്ട്ട് പ്രഖ്യാപിക്കുകയും ചെയ്തു.
തിരുവനന്തപുരം: സംസ്ഥാനത്ത് ഇന്നു മുതല് തുലാവര്ഷം വീണ്ടും സജീവമാകുമെന്ന് കാലാവസ്ഥ വകുപ്പ്. തിരുവനന്തപുരം, കൊല്ലം, ഇടുക്കി ജില്ലകളില് ഇന്ന് ശക്തമായ മഴയ്ക്ക് സാധ്യതയുണ്ടെന്നു അറിയിച്ച കാലാവസ്ഥ വകുപ്പ് കൊല്ലം ജില്ലയില് യെല്ലോ അലര്ട്ട് പ്രഖ്യാപിക്കുകയും ചെയ്തു. ഡിസംബര് ഒന്നിന് ഇടുക്കി, എറണാകുളം, മലപ്പുറം ജില്ലകളിലും ശക്തമായ മഴയ്ക്ക് സാധ്യതയുള്ളതിനാല് ഈ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
കേരളത്തില് തുലാമഴയില് 54 ശതമാനം വര്ധനയാണുണ്ടായത്. ഒക്ടോബര് ഒന്നുമുതലുള്ള കണക്കുകളനുസരിച്ച് കാസര്കോട്ടും കോഴിക്കോട്ടുമാണ് ഏറ്റവും കൂടുതല് മഴ ലഭിച്ചത്. അറബിക്കടലില് രണ്ട് ചുഴലിക്കാറ്റുകള് ഒരേസമയം രൂപപ്പെട്ടതും അപൂര്വ്വ കാലാവസ്ഥാ പ്രതിഭാസമായി. ക്യാറും മഹയും കേരളത്തിലെ മഴയുടെ സ്വഭാവത്തില്മാറ്റം വരുത്തിയെങ്കിലും കേരളതീരത്തെ വലുതായി ബാധിച്ചില്ല.
മീന്പിടിത്തക്കാര്ക്ക് ജാഗ്രതാ നിര്ദേശം
അതേസമയം, ഇന്ന് തെക്ക് പടിഞ്ഞാറ് ബംഗാള് ഉള്ക്കടലിലും അതിനോട് ചേര്ന്നുള്ള കോമോറിന്, മാലിദ്വീപ് പ്രദേശങ്ങളിലും മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റിനു സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്കി. തെക്ക് പടിഞ്ഞാറ് അറബിക്കടലില് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് 60 കിലോമീറ്റര് വേഗതയിലും ശക്തമായ കാറ്റിനു സാധ്യതയുണ്ട്. അതിനാല് ഈ പ്രദേശങ്ങളിലേക്ക് മത്സ്യബന്ധനത്തിനായി കടലിലിറങ്ങരുതെന്നും കാലാവസ്ഥ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്.
RELATED STORIES
ടി.ജി നന്ദകുമാറില് നിന്ന് 10 ലക്ഷം വാങ്ങിയെന്ന് സമ്മതിച്ച് ശോഭാ...
23 April 2024 2:14 PM GMTകുഞ്ഞാലിക്കുട്ടിയെ ശോഭാ സുരേന്ദ്രന് കണ്ടു; കെ മുരളീധരനെയും സമീപിച്ചു; ...
23 April 2024 1:54 PM GMTകളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMT