ഹോമിയോ പ്രതിരോധ മരുന്ന്​ കഴിച്ചവരിൽ കൊവിഡ്​ ബാധ കുറവെന്ന്​ ആരോഗ്യമന്ത്രി

തിരുവനന്തപുരം: ഹോമിയോ പ്രതിരോധ മരുന്ന്​ കഴിച്ചവരിൽ കൊവിഡ്​ ബാധ കു​റവാണെന്ന്​ പഠനത്തിൽ വ്യക്തമായതായി ആരോഗ്യമന്ത്രി കെകെ ശൈലജ. ഇത്തരത്തിൽ രോഗം വന്നവരിൽ തന്നെ വളരെ ​പെ​ട്ടെന്ന്​ രോഗമുക്തി ഉണ്ടായതായി കണ്ടെത്തിയിട്ടുണ്ടെന്നും മന്ത്രി പറഞ്ഞു.

പ്രതിരോധ മരുന്ന്​ കഴിച്ച ആളുകളിൽ കുറച്ചു പേർക്ക്​ മാത്രമേ കൊവിഡ്​ വന്നിട്ടുള്ളൂവെന്നും അഥവാ വന്നാൽ തന്നെ മൂന്നോ നാലോ ദിവസം കൊണ്ട്​ രോഗമുക്തി നേടിയതായും ചിലയിടങ്ങളിൽ നടത്തിയ പഠനങ്ങളിൽ കണ്ടെത്തിയിട്ടുണ്ട്​. ഡിഎംഒയും പ്രശസ്​ത സംവിധായകനും കൂടിയായ ഡോ. ബിജു ഇത്തരത്തിൽ നടത്തിയ പഠനത്തിന്റെ ഫലം​ തന്നെ കാണിച്ചിരുന്നുവെന്നും മന്ത്രി പറഞ്ഞു.

കൊവിഡ്​ പ്രതിരോധ മരുന്ന്​ ഹോമിയോയിൽ ഉണ്ടെന്ന്​ പറയുകയും അത്​ നൽകാൻ തയാറാവുകയും ചെയ്​തിട്ടുണ്ട്​. കൊവിഡ്​ ബാധിതർക്ക്​ ചികിൽസ നൽകുന്നത്​ ഐസിഎംആർ മാർഗനിർദേശമനുസരിച്ച്​ മാത്രമേ സാധിക്കുകയുള്ളൂ. അതിനാൽ ഹോമിയോ മരുന്നു നൽകി ചികിൽസിക്കാൻ സാധിക്കില്ല. പക്ഷേ രോഗം വരാതിരിക്കാനുള്ള പ്രതിരോധ മരുന്ന്​ കേരളത്തിലുടനീളം വിതരണം ചെയ്​തിട്ടുണ്ടെന്നും മന്ത്രി പറഞ്ഞു.