സ്പൈവെയര്: പ്ലേ സ്റ്റോറില് നിന്നും നിരവധി മുസ്ലിം പ്രാര്ഥനാ ആപ്പുകള് നീക്കി
Al-Moazin Lite (പ്രാര്ഥനാ സമയം), Qibla Compass – Ramadan 2022, Al Quran Mp3 – 50 Reciters & Translation Audio, Speed Camera Radar, Smart Kit 360 തുടങ്ങിയവയും നീക്കം ചെയ്ത ആപ്പുകളില് ഉള്പ്പെടും.
വാഷിങ്ടണ്: ഒരു കോടിയിലധികം പേര് ഡൗണ്ലോഡ് ചെയ്ത ജനപ്രിയ മുസ്ലിം പ്രാര്ത്ഥന ആപ്ലിക്കേഷനുകള് ഉള്പ്പെടെ ഡസന് കണക്കിന് ആപ്ലിക്കേഷനുകള് പ്ലേ സ്റ്റോറില്നിന്നും ഗൂഗ്ള്
നീക്കം ചെയ്തതായി റിപോര്ട്ട്. ഉപയോക്തൃ ഡാറ്റ ശേഖരിക്കുന്ന ഒരു കോഡ് ഗവേഷകര് കണ്ടെത്തിയതിന് ശേഷം പ്ലേ സ്റ്റോറില് നിന്ന് ഒഴിവാക്കിയതില് ബാര്കോഡ് സ്കാനറും ക്ലോക്ക് വിജറ്റും സ്പീഡ് ക്യാമറ റഡാറും വൈഫൈ മൗസും ഇറാനില് പ്രചാരത്തിലുള്ള ഒരു കാലാവസ്ഥാ ആപ്പും ഉള്പ്പെടുന്നു. കൂടാതെ, Al-Moazin Lite (പ്രാര്ഥനാ സമയം), Qibla Compass – Ramadan 2022, Al Quran Mp3 – 50 Reciters & Translation Audio, Speed Camera Radar, Smart Kit 360 തുടങ്ങിയവയും നീക്കം ചെയ്ത ആപ്പുകളില് ഉള്പ്പെടും.
'യുഎസ് ദേശീയ സുരക്ഷാ ഏജന്സികള്ക്കായി സൈബര് ഇന്റലിജന്സ്, നെറ്റ്വര്ക്ക്ഡിഫന്സ്, ഇന്റലിജന്സ് ഇന്റര്സെപ്റ്റ് ജോലികള് ചെയ്യുന്ന' യുഎസ് പ്രതിരോധ കരാറുകാരുമായി ബന്ധമുള്ള ഒരു കമ്പനിയാണ് കോഡ് തയ്യാറാക്കിയതെന്ന് റിപ്പോര്ട്ട് പറയുന്നു. ഉപകരണങ്ങളില് നിന്ന് ഫോണ് നമ്പറുകള് പോലുള്ള വ്യക്തിഗത ഐഡന്റിഫയറുകള് ചോര്ത്താന് കോഡ് ഉപയോഗിക്കുന്നതായി റിപ്പോര്ട്ടുണ്ട്. ചില ആപ്പുകള്ക്ക് ഉപയോക്താക്കളുടെ ലൊക്കേഷനുകള് കണ്ടെത്താനും കഴിയും, മൊത്തത്തില്, ആറു കോടിയിലധികം തവണ ഈ ആപ്പുകള് ഡൗണ്ലോഡ് ചെയ്തിട്ടുണ്ട്.
ഡാറ്റാ ഹാര്വെസ്റ്റിംഗ് കോഡ് നീക്കം ചെയ്തുകഴിഞ്ഞാല് നിരോധിത ആപ്പുകള് പുനഃസ്ഥാപിക്കുന്നതിന് അപേക്ഷിക്കാമെന്ന് ഗൂഗ്ള് അറിയിച്ചു. 2020 നവംബറില്, ലോകമെമ്പാടും 100 ദശലക്ഷം ഡൗണ്ലോഡ് ചെയ്യപ്പെട്ട മുസ്ലിം പ്രോ എന്ന നമസ്കാര ആപ്പിന്റെ ഡാറ്റ ഒരു കമ്പനിക്ക് വിറ്റതായി വെളിപ്പെടുത്തിയിരുന്നു. കമ്പനി വിവരങ്ങള് യുഎസ് സൈന്യത്തിനാണ് വിറ്റത്.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMTകെ കെ ശൈലജക്കെതിരെ സമൂഹമാധ്യമത്തില് അശ്ലീല കമന്റിട്ട...
19 April 2024 10:47 AM GMT