വി​ദ​ഗ്‍ധ സ​മി​തി അം​ഗ​ങ്ങ​ൾ "കോ​മ​ൺ സെ​ൻ​സ്' വാ​ക്‌​സി​ൻ എ​ടു​ത്തില്ലേ?; പരിഹസിച്ച് ഗീ​വ​ര്‍​ഗീ​സ് മാ​ര്‍ കൂ​റി​ലോ​സ്

കോഴിക്കോട്: ക​ടു​ത്ത കൊ​വി​ഡ് നി​യ​സ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തി​യ വി​ദ​ഗ്ധ സ​മി​തി​യെ പ​രി​ഹ​സി​ച്ച് യാക്കോബായ സഭ നി​ര​ണം ഭ​ദ്രാ​സ​നാ​ധി​പ​ന്‍ ഗീ​വ​ര്‍​ഗീ​സ് മാര്‍ കൂ​റി​ലോ​സ്. വി​ദ​ഗ്ധ സ​മി​തി അം​ഗ​ങ്ങ​ൾ "കോ​മ​ൺ സെ​ൻ​സ്' വാ​ക്‌​സി​ൻ എ​ടു​ത്ത​വ​ര​ല്ലേ​യെ​ന്ന് മാ​ര്‍ കൂ​റി​ലോ​സ് പ​രി​ഹ​സി​ച്ചു. ഫേ​സ്ബു​ക്ക് കു​റി​പ്പി​ലാ​യി​രു​ന്നു മാ​ര്‍ കൂ​റി​ലോ​സിന്റെ പ്രതികരണം.

കൊവി​ഡ് വി​ദ​ഗ്ധ സ​മി​തി അം​ഗ​ങ്ങ​ളാ​രും "കോ​മ​ൺ സെ​ൻ​സ്' വാ​ക്‌​സി​ൻ എ​ടു​ത്ത​വ​ര​ല്ലേ? എ​ത്ര അ​പ്രാ​യോ​ഗി​ക​മാ​ണ് പ​ല നി​ബ​ന്ധ​ന​ക​ളും? മ​ദ്യ​ ഷാ​പ്പു​ക​ൾ​ക്ക് മു​ൻ​പി​ൽ നി​ൽ​ക്കു​ന്ന​വ​ർ​ക്ക് ഇ​ല്ലാ​ത്ത നി​ബ​ന്ധ​ന​ അ​രി മേ​ടി​ക്കാ​ൻ പോ​കു​ന്ന​വ​ർ പാ​ലി​ക്ക​ണം പോ​ലും! വിദഗ്ധ സ​മി​തി​യു​ടെ വൈ​ദ​ഗ്ധ്യം സ​മ്മ​തി​ച്ചേ പ​റ്റൂ- ഗീ​വ​ര്‍​ഗീ​സ് മാ​ര്‍ കൂ​റി​ലോ​സ് എ​ഫ്ബി​യി​ൽ കു​റി​ച്ചു.

സംസ്ഥാനത്ത്​ ലോക്ക്​ഡൗൺ ഇളവുകൾ നൽകിയെങ്കിലും കടകളിൽ പോകാൻ ആളുകൾക്ക്​ നിയന്ത്രണം ഏർപ്പെടുത്തിയതിനെതിരേ വ്യാപക വിമര്‍ശനമാണ് ഉയര്‍ന്നിട്ടുള്ളത്. ഒരു ഡോസ്​ വാക്​സിനെടുത്ത്​ 14 ദിവസം പിന്നിട്ടവർ, കൊവിഡ്​ പോസിറ്റീവായി ഒരു മാസം കഴിഞ്ഞവർ, 72 മണിക്കൂറിനകം ആർടിപിസിആർ ടെസ്റ്റ്​ ചെയ്​ത്​ നെഗറ്റീവായവർ എന്നിവർക്ക്​ മാത്രമാണ്​ വ്യാപാര സ്ഥാപനങ്ങളിലും ടൂറിസം കേന്ദ്രങ്ങളിലും പ്രവേശനം അനുവദിച്ചിരിക്കുന്നത്​.

എന്നാൽ ഇളവുകൾ എന്ന പേരിൽ നടപ്പാക്കിയിരിക്കുന്ന കാര്യങ്ങൾ പിഴയൊടുക്കി സർക്കാരിന് ജനങ്ങളെ പിഴിയാനുള്ള അവസരമൊരുക്കലാണെന്ന വിമർശനങ്ങൾ ലോക്ക്​ഡൗൺ ഇളവുകൾ പ്രഖ്യാപിച്ചതിന് പിന്നാലെ രാഷ്ട്രീയ നേതാക്കൾ വ്യക്തമാക്കിയിരുന്നു. സർക്കാരിന്റെ അപ്രായോ​ഗിക നയങ്ങൾക്കെതിരേ വ്യാപക വിമർശനമാണ് സാമൂഹിക മാധ്യമങ്ങളിലടക്കം ഉയരുന്നത്.